Rinasimento
Da Wikipedia, ła ençiclopedia libara.
El Rinasimento el xe un periodo artistico e cultural de la storia d'Europa, che se cata tra la fine del medioevo e el scuminsio de l'età moderna. In sto periodo se ga instaurà un novo ideal de vita e ghe xe stà na rifioridura dei studi umanistici e de le arti bele. El rinovamento cultural e sientifico el xe intacà nel XV secolo in Italia, dove uno dei çentri prinsipai xera Firenze, par dopo difóndarse in tuta Europa. In sienza, teologia, leteratura, arte, el Rinasimento el xe nato da la riscoperta de testi greci e latini conservà ne l'Inpero Bizantin e nei prinsipai monasteri europei, che la ga incorajà tuta na serie de novi studi e invenzion nel secolo sucesivo. Altro çentro prinsipal de sta corente xera Napoli: grazie ai ligami culturai e artistici con Firenze e ai rinovamenti de Alfonso d'Aragona, xe nato el Rinasiimento napoletan.
Alcuni storici i mete la data de la fine del Rinasimento al 6 de majo 1527, quando le truppe spagnole e todesche le ga sachegià Roma, mentre ne la storia de la musica la conclusion la sarìa pi avanti, tra el 1600 e el 1620.
