Mar Bàltego
Da Wikipedia, ła ençiclopedia libara.
El Mar Bàltego el xé un mar interno del'Oceano Atlantico setentrionałe e se cate 'ntel'Eoropa nord-orientałe, çircondà da ła Penìxoła scandìnava, da ła teraferma del'Eoropa centrałe e orientałe e da łe Ìxołe Danexi. Sfozsa 'ntel Kattegat e 'ntel Mar del Nord pasando traverso łe ìxołe danexi en tri streti, l'Oresund, el Belt Picenin e el Grande Belt.
El nome Mar Orientałe el xé doparà en muce łéngue del'Eoropa continentałe, precixamente en danexe (Østersøen), tedesco (Ostsee), finlandexe (Itämeri), ołandexe (Oostzee), norvegexe (Østersjøen), e svedexe (Östersjön). En èstone el xé ciamà Mar Ocidentałe (Läänemeri). Oltre al vèneto, el xé ciamà Mar Bàltego en franzsexe (Mer Baltique), inglexe (Baltic Sea), połaco (Morze Bałtyckie), e ruso (Bawtiyskoye Morye - Балтийское море).
