Imperi roman
Ord la Wikipedia
Igl imperi roman, ei il territori che vegneva regius dil marcau Roma el 6.tschentaner avon Christus entochen il 5.tschentaner suenter Christus. All'entschatta regeva sulettamein in retg, silsuenter la republica e pli tard igl imperi. Quei territori ei sengrondius cun ses pievels, lungatgs e religiuns ed ei daventaus in stadi.
El temps da sia pli gronda derasaziun, il temps digl imperatur Trajans, ei igl imperi roman sespartius en treis continents: Ils loghens damaneivel dalla mar mediterrana, sur Gallia ed en bia parts dalla Gronda Britania ed els loghens entuorn la mar nera. Cun quei regeva Roma sur la pli gronda part dil cirquit dalla mar mediterrana.