Ashkenazí

Un article de Wikipèdia, l'enciclopèdia liura.

Josieus orant dins la sinagòga durant lo Yom Kipur, per Maurycy Gottlieb, una representacion de la comunutat ashkenazita de Viena (Àustria) al sègle XIX.

L'ashkenazí (en plurau ashkenazim, de l'ebrieu: אשכנזים) es la cultura dei josieus venents de França, d'Alemanha, de Polonha, de Russia, de l'ancian Empèri austroongrés e pus generalament d'Euròpa Centrala e de l'Èst. An una lenga que lor es pròpria, lo yiddish, qu'es una lenga derivada de l'alemand enriquida d'emprunts de l'ebrieu, dau polonés e dau rus. Sa litúrgia es probablament influenciada per lei culturas prochas dins aquelei païses. Lo mot ashkenaz (אשכנז) designava lei tèrras que s'estendián al delà dau Ren donc en Alemanha. En çò deis autors ebrieus de l'Edat Mejana, aqueste meteis mot designava lei païses germanics e d'Euròpa centrala, tèrras que lei josieus començavan a s'i installar.

Dins la Bíblia, Ashkenaz designa a l'origina leis escitas e sos païses.

Lei populacions josievas ashkenazim an viscut dins aquestei domenis dempuei lo sègle X. S'estima que leis ashkenazim representavan un 3% de la populacion josieva mondiala au sègle XI.