Hérault

Frå Wikipedia – det frie oppslagsverket

For elva med same namn, sjå Elva Hérault

Hérault

Våpenskjoldet til Hérault
Plassering

Administrasjon
Departmentnummer:	34
Region:	Languedoc-Roussillon
Préfecture:	Montpellier
Sous-préfectures:	Béziers Lodève
Arrondissement:	3
Kantonar:	49
Kommunar:	343
Président du conseil général:	André Vezinhet
Statistikk
Folketal	Rangering 22.
-1999	896 441
Folketettleik:	147/km²
Landareal¹:	6 101 km²

¹ Franske landdata, som ikkje tar med elvemunningar, innsjøar, vatn og isbrear større enn 1 km².

Hérault (oksitansk: Erau) er eit departementet sørvest i Frankrike. Departementet ligg i regionen Languedoc-Roussillon, og er kalla opp etter elva med same namn. Préfecture (administrasjonsstad) i departementet er Montpellier (225 000 inb. i 1999) som òg er hovudstad i regionen.

Rue Foch i Montpellier

Medan Montpellier har vore ein viktig universitetsby sidan mellomalderen, så er hovudnæringsvegane i departementet landbruk og turisme. Vin for masseforbruk har vore det viktigaste produktet. Auka import frå Amerika og Australia og mindre vinforbruk i Frankrike har gjort at vinbøndene står overfor krav om omlegging til mindre vinmarker og høgare kvalitet, nok som har vore ein smertefull prosess.

[endre] Historie

Hérault er eit av dei 83 opphavlege departementa som vart oppretta 4. mars 1790 under den franske revolusjonen. Det vart danna frå delar av den tidlegare provinsen Languedoc.

På byrjinga av 1900-talet vart vinområdet totalt øydelagd, og tusenvis av arbeidarar gjorde opprør. Opprøret vart hardt slått ned på av regjeringa til Georges Clemenceau.

Den katastrofale frosten vinteren 1956 øydela oliventrea, og olivenområdet kom seg ikkje på fote igjen før i 1980. Mykje av verksemda tilknytta olivenindustrien la ned.

[endre] Geografi

Departementet er i dag ein del av regionen Languedoc-Roussillon og grenser til departementa Aude, Tarn, Aveyron, Gard, i tillegg til Middelhavet (Golfe du Lion) i sør.

Geografisk er departementet svært variert med strender i sør, Cevennane i nord, og med jordbruksland i mellom.

Viktige elvar:

[endre] Klima

Middeltemperaturen ligg mellom 15 og 16 ºC.

[endre] Demografi

Innbyggjarane i departementet vert på fransk kalla Héraultais.

[endre] Kultur

Canal du Midi står på UNESCO si verdsarvliste.

[endre] Turisme

Dei mest kjende turiststadene i Hérault er:

Strendene ved La Grande-Motte, Palavas-les-Flots, Carnon, Sète, Cap d'Agde, Valras og Portiragnes.
Kalksteinsgrottene les grottes de Clamouse og les grottes des Demoiselles.
Slusene frå Fontserrane til Canal du Midi.
Fjellet Pic-Saint-Loup og kløftene les Gorges d'Héric.
Thau-bassenget.
Valfartsstaden og mellomalderlandsbyen Saint-Guilhem-le-Désert.