Tim Nazzjonali tal-Futbol tar-Russja
Minn Wikipedija, l-enċiklopedija ħielsa.
| Russja | |
 |
|
|---|---|
| Assoċċazzjoni | Football Union of Russia |
| Konfederazzjoni | UEFA, (Ewropa) |
| Kowċ |  Guus Hiddink |
| Asst Kowċ |  Aleksandr Borodyuk |
| Captain | Andrei Arshavin |
| L-Aktar Dehriet | Viktor Onopko (109) |
| L-Aktar Gowls | Vladimir Beschastnykh (26) |
| L-Ewwel Internazzjonali |  Finlandja 2 - 1 Russja Imperjali (Stokkolma, Svezja; 30 ta' Ġunju, 1912) Russja 2 -0 Messiku  (Moska, Russja; 16 ta' Awwissu, 1992) |
| L-Ikbar Rebħa | Russja 7 - 0 San Marino  (San Marino, San Marino; 7 ta' Ġunju, 1995) |
| L-Ikbar Telfiet |  Ġermanja Imperjali 16 - 0 Russja (Stokkolma, Svezja; 1 ta' Lulju, 1912)  Portugall 7 - 1 Russja (Lisbona, Portugall; 13 ta' Ottubru, 2004) |
L-iskwadra nazzjonali tal-futbol tar-Russja hu t-tim nazzjonali tal-futbol tar-Russja u hu mmexxi mill-Football Union of Russia.
Mill-firda ta' l-Unjoni Sovjetika, il-futbol Russu bata biex juru l-livell tajjeb daqs kemm kien it-tim ta' l-Unjoni Sovjetika fil-passat. It-tim ikkwalifika għal żewġ edizzjonijiet tat-Tazza tad-Dinja (1994, 2002) u żewġ edizzjonijiet tal-Kampjonati Ewropej (1996, 2004), imma naqset li tikkwalifika iktar mill-ewwel rawnd.
Il-FIFA ikkunsidrat lit-tim nazzjonali tar-Russja bħala d-dixxendent dirett tar-rekords tat-timijiet nazzjonali tal-Komunità ta' l-Istati Indipendenti u ta' l-Unjoni Sovjetika
Werrej |
[editja] Storja
Wara l-firda mill-Unjoni Sovjetika, ir-Russja lagħbet l-ewwel logħba internazzjonali kontra l-Messiku fis-16 ta' Awwissu 1992 fejn rebħu 2-0. Ħafna plejers li kienu jilgħabu mat-tim ta' l-Unjoni Sovjetika lagħbu għar-Russja.
Fit-Tazza tad-Dinja 1994, ir-Russja spiċċat fi Grupp B flimkien mal-Kamerun, l-Isvezja u l-Brażil. Ir-Russja tilfet 2-0 kontra l-Brażil u 3-1 kontra l-Isvezja fl-ewwel żewġ logħbiet. Ir-Russja fl-aħħar logħba rebħet 6-1 kontra l-Kamerun fejn Oleg Salenko skorja rekord ta' ħames gowls. Ir-Russja kienu eliminati mill-kampjonat wara li kisbu tliet punti biss.
Sentejn wara, ir-Russja kkwalifikaw għall-Kampjonati Ewropej 1996 u spiċċaw fi Grupp Ċ li kien imsejjaħ "il-Grupp tal-Mewt" (bl-Ingliż: Group of Death). Dan kien jikkonsisti mill-Ġermanja, ir-Tim Nazzjonali tal-Futbol tar-Repubblika Ċeka u l-Italja. Ir-Russja tilfet 2-1 kontra l-Italja u 3-0 kontra l-Ġermanja, u fl-aħħar logħba r-Russja kisbu pari ta' 3-3 kontra r-Repubblika Ċeka.
Bejn l-1993 u l-1997, ir-Russja kienet fost l-aqwa għoxrin tar-Rankings Mondjali tal-FIFA, imma naqset li tikkwalifika għat-Tazza tad-Dinja 1998. Madanakollu, fil-kwalifikazzjoni għall-Kampjonati Ewropej 2000 ir-Russja kisbet rebħa prestiġjuża kontra Franza f'Pariġi fil-5 ta' Ġunju 1999.
[editja] Tazza tad-Dinja 2002
Fit-Tazza tad-Dinja 2002 fil-Korea t'Isfel u l-Ġappun, ir-Russja spiċċaw fi Grupp H flimkien mal-Belġju, it-Tuniżija u l-Ġappun. Dan il-grupp kien ikkunsidrat bħala l-iktar wieħed dgħajfa bir-Russja u l-Ġappun favoriti li jikkwalifikaw għat-tieni rawnd. It-tim Russu, kien immexxi minn Olef Romantsev u kellu plejers veterani u kif ukoll debuttanti. Fl-ewwel logħa huma rebħu 2-0 lit-Tuniżija. Wara ħafna pressjoni dwar dan ir-riżultat kemm mill-media u kif ukoll mill-fans, ir-Russja kienu determinati li jirbħu lill-Ġappun. Però, fil-51 minuta l-Ġappun marru fil-vantaġġ u żammew dan il-vantaġġ sa l-aħħar ta' din il-logħba. Fl-aħħar logħba kontra l-Belġju, għal darb'oħra kien hemm determinazzjoni għal rebħa. Il-Belġjani marru fil-vantaġġ fis-7 minuta wara gowl ta' Johan Walem imma r-Russi kisbu l-pari minn gowl ta' Titov. Fl-aħħar tnax-il minuta, Belġju reġgħu marru fil-vantaġġ permezz ta' Wesley Sonck u fit-82 minuta marru żewġ gowls vantaġġ b'gowl ta' Marc Wilmots. Ir-Russja naqqsu d-distakk fit-88 minuta permezz ta' Dmitri Sychev, imma dan kien għalxejn meta huma ħarġu telliefa 3-2. Ir-Russi spiċċaw barra mill-kompetizzjoni bi tliet punti. Il-kampjonat ta' l-2002 kien imħares bħala li r-Russja setgħet naqqset żbalji sempliċi biex setgħu jikkwalifikaw għall-ewwel darba, għat-tieni rawnd.
[editja] Kampjonati Ewropej 2004
Fil-Kampjonati Ewropej 2004, ir-Russja ttelgħet fi Grupp A flimkien mal-Greċja, Spanja u l-Portugall. Ir-Russja tilfet l-ewwel żewġ logħbiet; 1-0 kontra Spanja u 2-0 kontra l-Portugal]]. Però fis-16 ta' Ġunju, ir-Russja b'sorpriża rebħet lill-Greċja 2-1 b'gowls minn Dmitri Kirichenko fit-2 minuta u ta' Bulykin fis-17-il minuta. Ir-Russja spiċċaw barra mill-kompetizzjoni b'total ta' tliet punti.
[editja] Tazza tad-Dinja 2006
Fil-fażi ta' kwalifikazzjoni għat-Tazza tad-Dinja 2006, ir-Russja kienet fi Grupp 3 flimkien mal-Portugall, l-Islovakkja, l-Estonja, il-Latvja, il-Lussemburgu u mal-Liechtenstein. Il-Portigall mal-ewwel ħadu l-ewwel post fil-grupp bir-Russja u l-Islovakkja fit-tieni post. Fit-12 ta' Ottubur 2005, ir-Russja kellha bżonn ta' rebħa biex tikkwalifika. Hi rnexxiela tispiċċa pari ta' 0-0 ma' l-Islovakkja fi Bratislava, u b'hekk l-Islovakkja ħadet post fil-playoffs. Ir-Russja spiċċat it-tielet bi 23 punt minn sitt rebħiet, ħames pari u telfa (l-ikbar telfa li qatt kellhom, 7-1 kontra l-Portugall f'Lisbona). Huma tilfu posthom fil-playoffs b'punt wieħed biss.
[editja] Kampjonati Ewropej 2008
Waqt il-fażi ta' kwalifikazzjoni għall-Kampjonati Ewropej 2008 huma qegħdin jikkompetu fi Grupp E flimkien ma' l-Ingilterra, il-Kroazja, l-Iżrael, il-Maċedonja, l-Estonja u l-Andorra. Ir-Russja bdiet b'żewġ pari ta' 0-0 u 1-1 kontra l-Kroazja u l-Iżrael rispettivament. Huma wara bdew juru s-saħħa tagħhom b'rebħa ta' 2-0 fuq il-Maċedonja, u rebħa oħra ta' 2-0 din id-darba kontra l-Estonja. F'Ġunju 2007, ir-Russja rebħu 4-0 lill-Andorra b'Aleksandr Kerzhakov jiskorja tripletta. Il-mixja tagħhom ħadet daqqa meta tilfu 3-0 kontra l-Ingilterra f'Wembley, fejn tilfu t-tieni post. Però fil-partita ta' ritorn f'Moska huma dawru telfa f'rebħa meta b'doppjjeta ta' Roman Pavlyuchenko huma rebħu 2-1 u reġgħu fetħu l-ġlieda għat-tieni post. Il-kwalifikazzjoni ġiet aktar f'riskju meta b'sorpriża tilfu kontra l-Iżrael 2-1. Però l-Kroazja rnexxiela tirbaħ lill-Ingilterra ġewwa Wembley Stadium, u b'hekk ġabet lir-Russja b'24 punt wara r-rebħa li kellhom kontra l-Andorra 1-0. L-Ingilterra spiċċaw punt warajhom.
[editja] L-Iskwadra tar-Russja
Gowlers:
- Vyacheslav Malafeev
- Vladimir Gabulov
- Anton Shunin
- Dmitri Borodin
- Igor Akinfeev
Difensuri:
- Sergey Ignashevich
- Aleksei Berezutskiy
- Aleksandr Anyukov
- Vasili Berezutskiy
- Denis Kolodin
- Ivan Taranov
- Roman Shishkin
- Sergei Efimov
- Vadim Yevseyev
Midfielders:
- Igor Semshov
- Vladimir Bystrov
- Diniyar Bilyaletdinov
- Yuri Zhirkov
- Konstantin Zyryanov
- Dmitry Torbinsky
- Viktor Budyansky
- Roman Vorobyov
- Aleksey Rebko
- Yevgeny Aldonin
- Igor Denisov
- Egor Titov
- Alexey Smertin
- Vladislav Radimov
- Marat Izmailov
Attakkanti:
- Aleksandr Kerzhakov
- Dmitriy Sychev
- Andrei Arshavin
- Roman Pavlyuchenko
- Pavel Pogrebnyak
- Ivan Saenko
- Yevgeniy Savin
[editja] Storja tal-Kompetizzjonijiet
[editja] Tazza tad-Dinja
- 1930 sa l-1990 - Ara Unjoni Sovjetika
- 1994 - L-Ewwel Rawnd
- 1998 - Ma kkwalifikatx
- 2002 - L-Ewwel Rawnd
- 2006 - Ma kkwalifikatx
[editja] Kampjonati Ewropej
- 1960 - Rebbieħa
- 1964 - Finalista Telliefa
- 1968 - Raba' Post
- 1972 - Finalista Telliefa
- 1976 sa l-1984 - Ma kkwalifikatx
- 1988 - Finalista Telliefa
- 1992 - L-Ewwel Rawnd
- 1996 - L-Ewwel Rawnd
- 2000 - Ma kkwalifikatax
- 2004 - L-Ewwel Rawnd
[editja] Plejers
[editja] Plejer famużi tal-passat
Din il-lista għandha l-isem tal-plejers li lagħbu l-akbar parti jew l-preżenzi kollha għall-era Russa. Għall-plejers ta' l-era ta' l-Unjoni Sovjetika, ara Tim Nazzjonali tal-Futbol ta' l-Unjoni Sovjetika.
|
|
[editja] Ara wkoll
- Tim Nazzjonali tal-Futbol ta' l-Unjoni Sovjetika
- Tim Nazzjonali tal-Futbol tal-Komunità ta' l-Istati Indipendenti
[editja] Ħoloq Oħra
- Is-Sit Uffiċċjali tal-Federazzjoni tal-Futbol Russa (Russu)
- Tim Nazzjonali tal-Futbol tar-Russja
- Tim Nazzjonali tal-Futbol tar-Russja mill-1912
- Riżultati Internazzjonali mill-1912 fuq RSSSF
- Informazzjoni fuq ir-Rekords tal-Plejers tar-Russja fuq RSSSF
| Timijiet nazzjonali tal-futbol ta' l-Ewropa (UEFA) |
|---|
|
|
