Offesjeel taol
Van Wikipedia
- Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.
'n Offesjeel taol is 'n taol die dör 't bevoegd gezag erkènd is en dus 'ne officiële sjtatus haat. Mètstens is 'n officieel taal ooch door e land of organisatie tot besjtuurstaal resp. wèrktaol gekoze, mae neet altied. Zoe is 't Limburgs in Nederlands Limburg waal 'n officieel mae gèng besjtuurstaal.
In 't POBU-verdrag van de VN is 't gebroek van de èège taal 'n kultureel rech. In 't oonderwies en 't broepslaeve kènne evvel taaleise gesjtèld waeëre. In alle aander formeel situaties haat me rech op 'ne tolk.
Neet allein len, meh ouch intergouvernementele organisaties wie de Vereinigde Naties of de EU en multinationals (wie Philips) höbbe ein of mierdere offesjeel taole.
'n Offesjeel taol heet daomèt 'nen aandere status es 'n sjtandaardtaal en diz twieë wer 'ne aandere es 'n dialek.
Inhawd |
[bewirk] Nederland
Nederland heet in princiep ein offesjeel taol, 't Nederlands. Daoneve is in de provincie Friesland 't Fries een offesjeel taol, boe euverheidsdokuminte in opgestèld kinne weure. Ouch in bestuur en rechspraak kin vaan 't Fries gebruuk gemaak weure. 't Offesjeel Nederlands in Nederland hèt Standaardnederlands. De Taolunie (same mèt Belsj en Suriname) zörg veur de zjuste vörm vaan 't Nederlands.
[bewirk] Belsj
Belsj kint drei offesjeel taole: 't Nederlands, 't Frans en 't Duits. De Taolunie (samen mèt Nederland en Suriname) zörg veur de zjuste spelling vaan 't Nederlands.
[bewirk] Europese Unie
De Europese Unie heet twintig offesjeel taole, zuuch ouch taole vaan de Europese Unie. Daoneve heet 't Iers de status vaan verdragstaol, wat wèl zegke dat alle verdrage naor 't Iers vertaold mótte weure.
[bewirk] Vereinigde Naties
De Vereinigde Naties hanteert zes offesjeel taole: 't Arabisch, 't Sjinees (Mandarijn), 't Ingels, 't Frans, 't Rössisch en 't Spaons.
[bewirk] Bedrijfsleven
Väöl Nederlandse multinationals hantere Ingels es hun offesjeel taol.
