Luenga oficial
Dendi Güiquipeya
La Luenga oficial es, sigún la UNESCO, "la luenga usá nel ambitu e las diversas atividais oficialis: lehislativas, ehecutivas i hudicialis" dun estau soberanu u territoriu.
Es la luenga consagrá ena lei (pol meyu e la costitución u e lei ordinaria), u solu pola via e la costumbri, dun pais, estau u algotru territoriu cumu la luenga aporihá nesi pais, estau u territoriu.
La luenga oficial (u luengas oficialis), cuya eleción dependi e razonis políticas, ebi sel la luenga utilizá en tolos atus oficialis el puel púbricu, bien seya nel derechu esternu (trataus, convencionis entelnacionalis) u bien seya nel derechu entelnu (costitución, leis ordinarias, atus políticus, sentencias hudicialis, atus almenistrativus, discursus oficialis, etc...). La luenga oficial ebi sel, en prencipiu, la luenga palrá (nel chascu e que solu aiga una) u una e las luengas chascás (nel chascu e bel varias) pola puebración de ca estau u territoriu.