Calvinisme

Van Wikipedia

't calvinisme is 'ne vörm vaan gerifformeerd christendom die veurkump oet de lier vaan Johannes Calvien, 'ne Franco-Zwitserse theoloog. In de jaore daarteg vaan de zestiende ieuw publiceerde dee wèrke boe-oet zien lier voortkaom. Die lier woort behave in deile vaan Zwitserland populair in Frankriek, Sjotland en de Nederlen. 't Calvinisme en de oonderdrökking daovaan door de Spaonse inquisitie waor eine vaan de rejes veur 't oetbreke vaan d'n Tachtegjaoregen Oorlog, en woort in de Rippebliek de eineg touwgestoon religie.

In de negentiende en twintegste ieuw versplinterde 't Nederlands calvinisme in ummer nui strouminge, boevaan de veurnaomste houfstroume de Hervörmde Kerk en de Gerefomeerde Kèrk zien. In 2004 vereinegde eineg tientalle strouminge ziech in de PKN, de Protestantse Kèrk in Nederland, boebij ouch de lutherane ziech aonslote. De mier orthodoxe gemeinsjappe verworpe die fusie en blove ampart of sjeide ziech nui aof.

De lier vaan Calvien is seveer en sober. Zo sjrijf ze predestinatie en èrfzonde veur, verwèrp ze de meiste vaan de sacremente en de liturgie. Gemeintezang naom in Nederland 'ne ummer veurnaomere plaots in, vaanaof midde zeventiende ieuw begeleid mèt örgel. 't Calvinisme weurt in Limburg weineg beleje, meh de Mestreechse Janskèrk is wel calvinistisch.ru-sib:Кальвины