Camelopardalis (Stärebild)

Vu Wikipedia, der fräier Enzyklopedie.

Date vum Stärebild Camelopardalis
Lëtzebuergesche Numm	Giraff
Laténgesche Numm	Camelopardalis
Laténgesche Genitiv	Camelopardalis
Laténgesch Ofkierzung	`Cam`
Positioun	Nërdlechen Fixstärenhimmel
Rektaszensioun	3h 15m bis 14h 27m
Deklinatioun	+52° 39' bis +86° 05'
Fläch	757 Quadratgrad
Siichtbar op de Breedegraden	90° Nord bis 37° Süd
Observatiounsszäitraum fir Mëtteleuropa	Am ganze Joer
Zuel vun de Stäre mat Gréisst < 3^m	0
Hellste Stär, Gréisst	β Cam, 4,03^m
Meteorstréim	-
Nopeschstärebiller (vu Norden am Auerzäresënn)	Cassiopeia Perseus Auriga Lynx Ursa Major Draco Ursa Minor Cepheus
Kaart vum Stärebild Cameleopardalis

De Camelopardalis) (Giraff) ass e Stärebild vum Nordhimmel.

[Änneren] Beschreiwung

D’Giraff ass e laangt awer onoffällegts Stärebild.

Tëschent de markanten Stärebiller Ursa Major a Cassiopeia souwéi déi hell Stären Polaris (am Grousse Bier) an de Capella (am Auriga) ass eng grouss Fläch, déi keng offälleg Stären huet. An dësem Gebitt läit Giraff, déi nëmmen aus Stären vun der véierter, fënnefter oder sechster Gréissteklass zesummegesat ass. Den hellste Stär, β Camelopardalis, huet eng schäinbar Hellegkeet vun 4,0^m.

[Änneren] Geschicht

An der Antikitéit goufen d’Stäre vun der Giraff zu kengem Stärebild gezielt. Erréicht den hollännesche Geléierten Petrus Plancius huet de Camelopardalis am Joer 1613 agefouert, fir déi fräi Plaz um Himmel zouzemaachen.

Den däitschen Astronom Jacob Bartsch, en Edem vum Johannes Kepler huet d’Stärebild a säin Planisphaerium Stellaris am Joer 1624 iwwerholl. Hien huet allerdéngs een an der Bibel erwähntend Reitdéier dra gesinn, op deen d’Rebekka op hir Hochzäit geridden ass. Wahrscheinlech huet de Bartsch gemengt, datt et sech ëm e Kaméil handelt.

[Änneren] Himmelsobjete

[Änneren] Stäre

B	F	Nimm, an aner Bezeechnungen	^m	^M	Lj	Spektralklass
β	16		4,03	-3,4	1000	G0 Ib
		CS	4,21	-6,4	4000	B9 Ia
α	9		4,26	-7	7000	09.5 Ia SB
		BE	4,39	-3	1000	M1 III
	7		4,43	-0,9	380	A1 V
		HR 1040	4,55	-5	2500	A0 Ia SB
		M	4,55	0,76	187	K4 III
γ			4,59^m	-0,5	340
		BK	4,74	-2	800	B2.5 V
		HR2209	4,76	1,1	176	A0 V
		HR 1129	4,78	-2	800	A3 V
		VZ	4,92	-0,9	470	M4 IIIa
	3		5,05
	11		5,08
	43		5,12
	42		5,14

Den α Camelopardalis, ass mat enger schäinbarer Hellegkeet vun 4,26^m den drëtthellste Stär an der Giraff. Miessungen vum Satellit Hipparcos hunn eng Distanz vun 7000 Liichtjoer erginn. Well d’Parallaxemiessungen bei wäite Stäre mat groussen Ongenauegkeeten verbonnen sinn, kéint d’Distanz och „nëmmen“ 4.000 Liichtjoer sinn. Bei dem Stär handelt et sech ëm ee masseräichen blo-wäissen Iwwerris.

[Änneren] Duebelstäre

System	^m	Ofstand
β	4,03/7,4	81"
11	5,1/6,3	180"

Den β Camelopardalis ass en Duebelstäresystem op enger Distanz vun 1.500 Liichtjoer. Hie besteet aus engem gielen Haaptstär mat der Spektralklass G0 an engem wäiss liichtendem Begleetstär vun der Spektralklass A5. Den Haaptstär huet déi 7fach Mass an déi 32fach Liichtkraaft vun eiser Sonn.

D’System 11 Camelopardalis ass 600 Liichtjoer ewech. Et besteet aus engem blo-wäisse Stär vun der Spektralklass B3 an engem orangenen Stär mat der Spektralklass K0.