Arte

Ex Wikipedia

Li notion arte durant li historie e secun divers culturas sempre changeat su signification e ancor change it. It es intensivmen discutat de artistes, theoreticos de arte, historicos, philosophes, sociologes e li general publicum. Li artes es un cultural producte, un product del hom, li resultat de un creativ process, che li fin de quel sta o li "ovre de arte" o anc - quam del moderne - li process self, quel es appreciat quam resultat. Dunc omni cultura productet artes.

Li notion de artes changea se in li historie: Del epocha del illumination on comprende sub arte precipue li expressiv formes del Bell Artes:

• Formant artes con li classic géneres pictura, sculptura, architectura e del 19. secul li tal nominat applicat arte e che li límite li industrie artistic
• Representant artes con li principal categories theatre, dansa e film-arte
• Musica con li principal categories vocal musica e instrumental musica
• Poesie con li principal géneres epic, drama e lyrica

Specialmen in li formant artes li formes e technicas de expression con li comensa del moderne - p. ex. con li photographie e poy con li medial arte - fortmen alargat se. Che li representant artes on posse hodie distiņer anc li formes de expression del Novi Medies in radio, television e internet.

Un tal nominat ovre de arte total unifica li formes de expression de pluri artes. On nómina synesthesie li intersection de sensual perception, in li artes p. ex. "sonic color" in li musica o "coloric son" in li pictura.