Isaac Newton

De Wikipedia, le encyclopedia libere

Isaac Newton (1642–1727) esseva physico e mathematico anglese qui nasceva de un familia povre de fermeros. Fortunatemente pro humanitate, Newton non esseva un bon fermero e esseva inviate a Cambridge pro devenir predicator. In Cambridge, Newton studiava mathematica, essente specialmente e fortemente influentiate per Euclides, ben que ille esseva etiam influentiate per le philosophias Baconian e Cartesian. Newton esseva obligate a partir de Cambridge quando illo esseva claudite a causa del plaga e il esseva durante iste periodo que ille faceva alicunes de su plus significante discopertas. Con le reticentias que ille monstrarea plus tarde in su vita, Newton totevia non publicava su resultatos.

Newton suffreva un collapso mental in 1675 e recuperava ancora usque 1679. In responsa a un lettera de Robert Hooke, ille suggereva que un particula, si liberate, spiralarea usque le centro del terra. Hooke respondeva asserente que le cammino non esserea un spiral, sed un ellipse. Newton, qui odiava esser superate, alora procedeva a calcular le mathematica del orbitas. De novo, ille non publicava su calculos. Newton alora comenciava a devotar su effortios al speculation theologic e poneva le calculos super movimento elliptic al latere, informante Halley que ille habeva perdite los. Halley, qui habeva devenite interessate in orbitas, finalmente convinceva Newton a expander e publicar su calculos. Newton devotava le periodo inter augusto de 1684 e le primavera de 1686 a iste labor e le resultato deveniva un del travalios le plus importante e influential super le physica de tote le epochas: Philosophiae Naturalis Principia Mathematica (Principios Mathematic del Philosophia Natural) (1687), frequentemente abbreviate Principia Mathematica o simplemente le Principia.

In le libro I de Principia, Newton aperiva con definitiones e le tres leges del movimento nunc cognoscite como leges de Newton (leges del inertia, action e reaction e acceleration proportional al fortia). Libro II presentava le nove philosophia scientific de Newton que veniva a reimplaciar le philosophia cartesian. Finalmente, libro III consisteva de applicationes de su dynamica, includente un explanation pro marea e un theoria del movimento lunar. Pro provar su hypothese del gravitation universal, Newton scribeva a John Flamsteed pro inquirer se Saturno habeva essite observate a diminuer quando passante Jupiter. Le surprendite Flamsteed replicava que un effecto habeva vermente essite observate e illo esseva proximemente predicite per le calculos que Newton habeva providite. Le equation de Newton esseva postea confirmate per observar le forma del terra de esser spheroidal oblate, como Newton assereva que illo deberea esser, in loco de spheroidal prolate, como asserite per le Cartesianos. Le equationes de Newton etiam describeva le movimento del luna per approximationes successive e correctemente prediceva le retorno del Cometa de Halley. Newton etiam correctemente formulava e solviva le prime problema in le calculo de variationes, que involveva trovar le superficie de revolution que darea resistentia minime al fluxo (assumiente un lege de friction specific).

Le tres leges de Newton son le sequente, (1) lege del inertia: un corpo in reposo remana in reposo e un corpo in movimento continua a mover a un velocitate constante a minus que illo esseva actuate per un fortia externe, (2) lege del acceleration proportional al fortia: un fortia F actuante in un corpo da a illo un acceleration que es in le direction del fortia e ha magnitude inversemente proportional al massa m del corpo: F=ma, (3) lege del action e reaction: sempre que un prime corpo exerce un fortia super un secunde corpo, le secunde corpo etiam exerte un fortia de equal magnitude e de direction opposite super le prime corpo.

Newton inventava un methodo scientific que esseva vermente universal in su scopo. Newton presentava su methodologia como un classe de quatro regulas pro le rationamento scientific. Iste regulas esseva declarate in le Principia e proponite que (1) nos debe admitter nulle additional causas de effectos natural tal como es ambes ver e sufficiente pro explanar lor apparitiones, (2) le mesme effectos natural debe esser assignate al mesme causas, (3) qualitates de corpos son pro esser considerate como universal e (4) propositiones deducite de observationes de phenomenos debe esser vidite como accurate usque altere phenomenos contradicta los.

Iste quatro regulas concise e universal pro le investigation esseva vermente revolutionari. Per su application, Newton formulava le leges universal del natura con que ille esseva capace de disintricar virtualmente totos le problemas unsolvite de su tempore. Newton iva multe plus longe que traciar su regulas pro rationamento, nonobstante, de facto describente como illes deberea esser applicate al solution de un date problema. Le methodo analytic que ille inventava excedeva multemente le plus philosophic e minus scientific rigorose approche de Aristotle e Aquinas. Newton raffinava le methodo experimental de Galileo, creante le methodo compositional de experimentation alora practicate hodie. De facto, le sequente description del methodo experimental del Optics de Newton poteva facilmente esser in error per le modern declaration de methodos de investigationes currente, si non per le uso de Newton del parolas “natural philosophia” in loco del termo moderne “le scientias physic”. Newton scripte, “como in mathematica, etiam in philosophia natural le investigation de cosas difficile per le methodo de analyse debe semper preceder le methodo del composition. Iste analyse consiste de facer experimentos e observartiones e in tirar conclusiones general de illos per induction... per iste cammino de analyse nos pote proceder del composito al ingredientes e de movimentos al fortias producente lors. E in general del effectos al lor causas e del causas particular al plus general usque le argumento finiva in le plus general. Iste methodo de analyse e le synthese consiste in assumer le causas discoperite e establir como principios e per illos explanar le phenomenos precedente de illos e provar le explanationes.

Newton formulava le theorias classic del mechanica e del optica e inventava le calculo annos antea Leibniz. Nonobstante, ille non publicava su travalio sur calculo usque postea Leibniz habeva publicate le sue. Iste levava lo a un acerbe disputa de prioritate inter mathematicos anglese e continental que persisteva per decadas, al detrimento de totos concernente. Newton discoperiva que le theorema binomial esseva valide pro potentias fractional, sed lassava lo a Wallis publicar lo (lo que ille faceva, con creditos approppriate a Newton). Newton formulava un theoria del sono, sed derivava le velocitate que non concordava con lo del experimentos. Le ration per le discrepantia esseva que le concepto de propagation adiabatic non existeva, assi le responsa de Newton stava minor per un factor de / γ^{1 / 2}, ubi γ es le ration del capacitates calorific del aere sur pression e volume constante. Newton, igitur, manipulava su theoria usque un accordo con le experimentation esseva complite.

In Optica (1704), cuje publication Newton retardava usque le morte de Hooke, Newton observava que le luce blanca poterea esser separate per un prisma in un spectro de colores differente, cata un characterisate per un unic refractivitate e proponeva le theoria corpuscular del lumine. Le opinion de Newton sur optica esseva traducite del experimentation original con le prisma que ille exequeva in Cambridge. In su “experimentus crucis”, ille discoperiva que le imagines producite per un prisma esseva de formato oval e non circular, como le theorias currente del lumine requererea. Ille observava un lista medio-rubie, medio-blau a transverso del prisma e trovava le extremos dislocate. Ille etiam observava le listas de Newton, que son actualmente un manifestation del natura undulose del lumine, in le qual Newton non credeva. Newton credeva que le lumine debeva mover plus rapidemente in un medio quando illo es refractate verso le normal, in opposition ao resultato predicite per le theoria de unda de Huygens.

Newton etiam formulava un systema de chimia in question 31 al final de Optics. In iste theoria corpuscular, “elementos” consisteva de arrangiamentos differente de atomos e atomos consisteva de particulas parve e dur. Ille explanava reactiones chimic in termos del affinitates chimic del substantias participante. Newton devotava le majoritate de su tempore libere dum su vita postea 1678 a experimentos alchimic infructuose.

Newton esseva extrememente sensitive al critica e mesmo cessava de publicar usque le morte de su archrival Hooke. Ill esseva solmente per le stimulo de Halley que Newton esseva persuadite finalmente a publicar le Principia Mathematica. In le ulterior portion de su vita, ille devotava multe de su tempore al recerca alchimic e tentava datar eventos in le Bible. Postea le morte de Newton, su loco de interramento esseva movite. Dum le exhumation, il esseva discoperite que Newton habeva massive amonta de mercurio in su corpore, probabilemente resultante de su activitates alchimic. Iste certemente explicava le eccentricitates de Newton in su vita posterior. Newton esseva armate cavallero per Regina Anne. Nonostante, le acto esseva “un honor conferite non per su contribution al scientia, ni per su labor, sed per le grande gloria del partido politic in le ellection de 1705”.

Newton, sin adjuta, contribueva plus al developpamento del scientia que quicunque altere individuo in le historia. Ille superava tote le ganios effectuate per le grande mentes del antiquitate, producente un schema del universo que esseva plus consistente, elegante e intuitive que ulle del proponite antea. Newton affirmava principios explicite del methodo scientific que es applicabile a omne brancas del scientia. Isto esseva in accute contradistinction al methodologia de Aristotle e Aquinas, qui habeva traciado methodos separate pro differente disciplinas.

Ben que su methodologia esseva strictemente logic, Newton ancora totevia credeva profundemente in le necessitate de Deo. Su opinionstheologic son characterisate per su credentia de que le beltate e regularitate del mundo natural solmente “proccede del consilio e dominio de un intelligente e poterose Esser. ”Ille sentiva que“ le Supreme Deo existe necessemente e per le mesme besonio ille existe sempre e ubique.” Newton credeva que Deo periodicmente interveniva pro manter le universo iente in le cammino. Ille ergo negava le importantia del fortia viva de Leibniz como nihil plus que un quantitate interessante que remaneva constante in collisiones elastic e ergo habeva nulle importantia physic o signification.

Ben que philosophos plus antique como Galileo e John Philoponus habeva usate procedimentos experimental, sed Newton esseva le prime a explicitemente definir e systematisar lor uso. Su methologia produceva un nette equilibrio inter inguesta theoric e experimental e inter le approches mathematic e mechanic . Newton mathematisava tote le scientia physic, reducente su studio al rigorose, universal e rational procedimento que marcava le entrata in le idade del ration. Assi, le principios basic de investigation introducite per Newton ha persistite virtualmente sin alteration usque le tempore moderne. In le annos postea le morte de Newton, illos ha nascite fructose multe excedente qualcunque que Newton jammais habeva imaginate. Illos forma le fundamento sur le qual le technologic civilisation de hodie remane. Le principios exponite per Newton essera etiam applicate al scientias social, influentiante le theorias economic de Adam Smith e le decision de facer le legislatura del Statos Unite bicameral. Iste applicationes posterior, totevia, pallidi in constrasto al contributiones scientific de Newton.

Il es igitur non exaggeration identificar Newton como le sole plus importante contributor al disveloppamento del scientia moderne. Le inscription in Latin super le tumba de Newton, malgrado su bombastic linguage, es assi totalmente justificate in proclamar, “Mortales! jubila al assi tanto grande ornamento pro le racia human!” Le phrase de Alexander Pope es etiam applicabile: “Natura e le leges del Natura remana celate in le nocte; Deo dice, lassa Newton esser! e toto esseva luce.”

commons