Alemánico

Na Galipedia, a wikipedia en galego.

Alemánico (Alemannisch)
Pronuncia:	[alɛˈman(ː)ɪʃ]
Falado en:	sur de Alemaña, no nordés de Francia, en Suíza, Liechtenstein, no oeste de Austria e no norte de Italia
Total de falantes:	10 millóns aprox.
Clasificación xenética:	Indoeuropea Xermánica Xermánica occidental Alemán Alemán superior Alemánico
Escrita:	Alfabeto latino
Códigos de lingua
ISO 639-1:	`--`
ISO 639-2:	`gsw`
ISO/DIS 639-3:	varios: `gct` — [[]] `gsw` — Alemán suízo `swg` — Suabo `wae` — Alemá walser
(situación arredor do 1950)

O alemánico é un dialecto do alemán que se fala no sur de Alemaña, no nordés de Francia, en Suíza, Liechtenstein, no oeste de Austria e no norte de Italia. A poboación que o usa a diaro calcúlase nuns 10 millóns. Pertence, xunto ao bávaro, á rama denominada alemán superior da familia das linguas xermánicas. Comprende as seguintes variedades, que poden chegar a ser intelixibles entre elas:

Alemánico de Suabia (Alemaña), chamado tamén suabo (Schwäbisch)
Baixo alemánico, que comprende:
- Alsaciano, en Alsacia (Francia)
- Alemán (ou suízo) de Basilea, en Basilea (Suíza)
Alto alemánico, en Suíza, Vorarlberg (Austria), ao sur da Selva Negra (Alemaña e Liechtenstein), por exemplo:
- Alemán (ou suízo) de Berna
- Alemán (ou suízo) de Zúric
Alemánico superior, no cantón de Valais (en alemán Wallis) e a súa diáspora alpina, ao sur do cantón de Berna e na parte alemá de Friburgo (Suíza) por exemplo:
- Walliser, referido a Wallis e
  - Walser, referido á diáspora.

Área de influencia do alemánico

Cando se fala dos dialectos alemánicos de Suíza adóitase empregar a denominación de suízo alemán ou Schweizerdeutsch.

Os alamáns eran as tribos xermanas das cales evolucionou o seu dialecto ao actual alemánico, do nome destas tribos collemos o nome para nomear a Alemaña e aos alemáns en galego e castelán entre outros. Os suevos que invadiron a Gallaecia hispanorromana son descendentes destas xentes. Véxase sobre todo que na parte norte fálase o suabo (no mapa a zona vermella arriba de todo).