Monicípiu
Dendi Güiquipeya
Ena antigua Roma, un monicípiu (en latín, municipium) era una ciá libri que se gobelnaba polas sus própias leis, inque los sus vizinus tinian los derechus de ciaania romana.
Uguañoti se gasta esti términu pa referilsi a una sudevisión alministrativa menol u al conhuntu d'abitantis d'iziu territóriu, que puei estal hormau pol várias puebracionis, rihiu pol un órganu colehiau heneralmenti llamau ayuntamientu, monicipaliá, alcardia u concehu. Pol estensión, tamién se gasta para referilsi al ayuntamientu u monicipaliá en sí.
[eital] Monicípius i equivalentis en deferentis paisis
| Pais | Equivaléncia | |
| Alemaña | gemeinde | |
| Arhentina | municipio (la província e Güenus Airis se devii en partidos) | |
| Bélhica | commune / gemeente / gemeinde | |
| Bolívia | municipio | |
| Brasil | município | |
| Canadá | municipality (ingrés) municipalité (francés) | |
| Chili | municipio u comuna | |
| Colómbia | municipio | |
| Costa Rica | cantón | |
| Dinamarca | kommune | |
| Ecuaol | cantón | |
| El Salvaol | municipio | |
| España | municipio (concejo en Asturias i concello en Galicia) | |
| Estaus Uñius | county, borough en Alaska i parroquia en Louisiana | |
| Filipinas | baranggay | |
| Fráncia | commune | |
| Guatemala | municipio | |
| Islándia | sveitarfélag | |
| Itália | comune | |
| Lusemburgu | commune | |
| Méhicu | municipio (el distritu federal se devii en delegaciones) | |
| Paisis Bahus | gemeente | |
| Poloña | gmina | |
| Purtugal | município / concelho | |
| Paraguay | distrito | |
| Perú | provincia i distrito | |
| Puertu Ricu | municipio | |
| Suecia | kommun | |
| Suiza | commune | |
| Veneçuela | municipio | |
| Onduras | municipio |
