Méria
Dendi Güiquipeya
Méria |
|||
---|---|---|---|
|
|||
![]() Puenti Lusitánia pola nochi |
|||
Nombri oficial | {{{nombri_oficial}}} | ||
Pais | ![]() |
||
Comuniá Autúnoma | Estremaura | ||
Província | Badahó | ||
Província | Badahó | ||
Comarca | {{{Comarca}}} | ||
Ciá | {{{monicípiu}}} | ||
Coigu postal | 06800 | ||
Supifici | 865,6 qm² | ||
Artitú | 217 m. | ||
Longol | 60 qm a Badahó | ||
Puebración | 54.894 ab. (2007) | ||
Hentilíciu | Emeritensi | ||
Rius | Guadiana, Albarregas | ||
Páhina web | www.merida.es/ | ||
![]() |
Méria es una ciá española, capital la Comuniá Autúnoma d'Estremaura, i pretenecienti a la provícia e Badahó. Aluspués de Badahó i Caçris, es el tercel núcleu de puebración d'Estremaura.
La ciá destaca pol tenel un emportanti conhuntu arqueolóhicu que hizu que huera anombrá Patrimoñu la Umaniá pola UNESCO nel añu 1993. Cuenta con un gran númiru e monumentus i estruturas de gran emportáncia que mantienin viva la estória acontecia ena ciá una tupa sigrus atrás. Nu ostanti, esa estória viva contrasta cola actualiá i moerniá e los nuevus tiempus, prasmau enos eifícius de nueva costrución, moernus i huncionalis, qu'án convertiu a la ciá en tó un referenti e ciá congresual i e servícius.
La ciá tiini el entítulu e Mu nobli, antigua i leal ciá e Méria.
En 2007, el censu el INE rustria 54.894 abitantis.
Evolución demugráfica la ciá e Méria [1] | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
1857 | 1887 | 1900 | 1910 | 1920 | 1930 | 1940 | 1950 | ||||||||||||
5.505 | 10.063 | 11.168 | 14.633 | 15.502 | 19.354 | 25.501 | 23.835 | ||||||||||||
1960 | 1970 | 1981 | 1991 | 1996 | 2001 | 2006 | 2007 | ||||||||||||
34.297 | 40.059 | 41.027 | 49.284 | 51.830 | 50.271 | 53.915 | 54.894 |
Continius |
[eital] Asiahamientu
S'alcuentra asiahá abati nel centru de la rehión, i riu Guadiana la devii en dos, queandu en un lau el centru estóricu, l'antigua puebración, i angunus bárrius nuevus, i ena otra malhin, el polígonu resiencial "Nueva Ciá". Amás, desisti un segunderu riu (Afluenti e Guadiana) que pasa pola ciá: riu Albarregas, que tamién devii angunus bárrius la ciá.
Méria s'alcuentra asiahá nun lugal previlehiau, ya que s'alcuentra al pasu la A-5 (Autuvia Madril - Lisboa, i ena Via A-66 , (Ruta la Prata) que tamién tiini en Méria el su puntu d'atihu nel su tramu e Hihón con Sevilla. Asín mesmu s'alcuentra en proyeutu la nueva autuvia A-43 , que uñirá Méria con Valéncia soponiendu una via e conesión con el centru oesti, uñiendu monicípius cumu Ciá Rial, Manzanares, Tomelloso, Albaceti i Almansa.
Nun huturu cercanu se prevein la chegá el AVE a Méria i nuevus terminalis de mercancias que homentarán la endústria asiahá ena ciá i enas sus cercanias.
Pol otra parti, es tamién posibri chegal a Méria pol autubus, ya qu'el cruzi e carreteras que se da en Méria prevoca qu'el númiru d'autubusis (i los sus destinus) seya bastanti emportanti.
[eital] Estória
La ciá hue hundá nel 25 eC con el nombri d'Emerita Augusta pol Octavio Augusto, palos soldaus eméritus licenciaus del ehércitu romanu, de dos lehionis veteranas de las Guerras Cántabras: Legio V Alaudae i Legio X Gemina. Estas lehionis s'asiaharun nel puebrau ya desistenti a chambu e dalis la categoria e ciaanus romanus a los antigus puebraoris. La ciá hue la capital de la província romana e Lusitánia. El términu emeritus senificaba en latín "arretirau" i se referia a los soldaus hubilaus con onol. Los sus ciaanus huerun ascritus a la tribu Papiria.
Prencipia asina un periu e gran desplendol del que dan testimoñu los sus maníficus eifícius: el teatru, el anfiteatru, el circu, los templus, las puentis i acuedutus.
Duranti sigrus i hata la caia el Empériu Romanu d'Ocienti, Méria hue un emportantísimu centru hurídicu, económicu, melital, curtural i una las puebracionis mas frorecientis en epoca romana, qu'Ausonio catalogó el novenu lugal entri las mas destacás del Empériu, inclusu pol delantri d'Atenas.
En epocas posterioris Méria sufrió encursionis de los puebrus bárbarus hata el asentamientu los visigós, que la hizun capital del su reinu i polo tantu, d'Ispania, duranti los sigrus V i VI.
Nel sigru VI destaca la figura el Obispu Mausona i el cristianismu s'arraiga con huerça. Desta fe populal da muestra la figura e la Mártil Santa Eulalia, patrona la ciá. Nel añu 713 el caudillu árabi Muza conquistó la ciá i las sus tropas la destruyerun.
Méria sedrá sé Metropolitana hata 1119 en que se treslaará a Santiagu e Compostela.
A prencipius del sigru XIII , en 1230, las tropas cristianas del rei Alfonso IX de Lión, conquistarán Méria i la convertirán en sé el Prioratu e San Marcus de Lión de la Ordin de Santiagu.
Sedrá en epoca los Reis Católicus cuandu la ciá enceti una arrecuperación pulítica grácias al apoyu el Maestri e Santiagu, Don Alonso de Cárdenas, defensol de la causa d'Isabel la Católica.
La su contribución a la Conquista i coloniçación americana sedrá albonda i senificativa. Sigún Navarro del Castillo salierun pa Indias unas 210 presonas, entri las que destacan dos capitanis de renombri ena conquista e Veneçuela Juan Rodríguez Suárez i Garci González de Silva.
La envasión francesa supondrá pa Méria, igual que pal restu d'Estremaura, una emportanti perda el su patrimoñu estóricu artísticu, peru con el tiempu s'arrecuperará.
Posteriolmenti se convertiria en ñu ferroviáriu, dandu nacéncia a la endustria la ciá. Esti esarrollu endustrial i de servícius se vió definitivamenti respardau con el anombraeru e Méria, en 1983, cumu Capital de la Comuniá Autúnoma d'Estremaura.
Unta esta preponderáncia pulítica i endustrial, la ciá despierta un gran enterés pol parti d'arqueólogus i estitucionis rehionalis i provincialis que landean sacal a la lús la emportanti riqueça arqueolóhica que s'acontina descubriendu.
Estas cercustáncias motivarun qu'el Conhuntu Arqueolóhicu Emeritensi huera declarau Patrimoñu la Umaniá pola Unesco en Diciembri e 1993. Anteriolmenti, la ciá cuentaba con veinti monumentus nacionalis i angunus en aspera e conseguila; i pol Decretu e 8 e Hebreru e 1973, en vísperas de conmemoralsi el su Bimilenáriu, Méria hue declará "Conhuntu Estóricu-Arqueolóhicu", única qu'ostenta esa denominación en España.
En 1994 se costituyó el Arçobispau Méria-Badahó, arrecuperándusi, d'esti mó, la antiquísima sé metrupolitana emeritensi i degorviendu la diniá catedralícia al templu e Santa Maria la Mayol, herederu la elésia arçobispal d'Emérita.
D'esti mó, ca periu estóricu á queau empresa la su huellibra en eificius i monumentus qu'ogañu suponin la su gran riqueça arqueolóhica.
[eital] Alministración
Ena su condición de Capital Autunómica, Méria es sé el Gobiernu la Hunta d'Estremaura, qu'uguañoti cuenta con una Vicipresiéncia i dies conseherias, incluia la Presiéncia i el Palramentu u Asamblea d'Estremaura que cuenta con 65 palramentárius.
El Ayuntamientu cuenta con 25 concehalis destribuius entri el PSOE, con treci concehalis, i el Partido Popular con doci concehalis. El su alcardi, dendi 2007, es Ángel Calle del PSOE.
[eital] Clima
El clima e Méria puei consieralsi mediterráneu, inque levemente continentalidau pol el su longol a la mari. De esta horma, son abondus los dias de vranu enus que se superan los 40 ºC.
En cuantu a las precipitacionis, lo normal es que se recohan anualmenti entri 450 i 500 mm. Sin embargu, ai que endical que en Méria, al igual que nel restu el sul d´España, son abitualis los ciclus de sequía, que oscilan ena su duración entri los 2 i los 5 añus.
[eital] Fiestas localis
- Antruehu Romanu: en Hebreru. Decraraus d'Enterés Turísticu Rehional.
- Semana Santa e Méria: Marçu-Abril. Decrará d'Enterés Turísticu Nacional.
- Féria e Setiembri: son las fiestas mas emportantis la capital i se celebran duranti la primel semana e Setiembri.
- Dia d'Estremaura: 8 e Setiembri.
- Féria Chica: 12 d'Otubri.
- Santa Eulália e Méria, tiini lugal el 10 de Diciembri. Fiesta e marcau caratel relihiosu ena que se conmemora el martíriu e Santa Eulália, patrona la ciá.
[eital] Eventus curturalis i eucáncia
- Festival de Teatru Crásicu e Méria. Duranti los mesis de Húliu i Agostu.
- Festival Huvenil Uropeu e Teatru Greculatinu. En Abril.
- Festival de Cini Gay i Lésbicu d'Estremaura. En Noviembri. Méria es una las sus sés, unta Badahó, Caçris i Praséncia.
- Festival de Cini Enéditu. En Diciembri.
- Féria Meyeval. Pol cascu antigu nel mes de Mayu.
Asín mesmu s'ofertan albondus atus curturalis de tó tipu nel Centru Curtural Arcaçaba, Sala Trahanu, Teatru Maria Luisa, el Paláciu e Congresus i Esposicionis, nel IFEME (Estitución Ferial de Méria), ena Fatoria d'Ocio i Criaeru Hovin, el Complehu Curtural "Hernán Cortés" i enos baris i pubs de la ciá.
En matéria eucativa, Méria es sé d'unu los campus la Univelsiá d'Estremaura, ofertandu las siguientis carreras: Enfermeria, Telecomunicacionis, Diseñu Endustrial, Enhormática e Sistemas, Enhormática e Hestión i Topugrafia.
Tamién es sé el Centru Rehional de la UNED en Estremaura, Escuela Oficial d'Idiomas d'Estremaura, Escuela d'Arti i Superiol de Diseñu, Escuela Superiol d'Osteleria d'Estremaura i Conservatóriu Superiol de Música. Cuenta amás con seis estitutus de secundária púbricus, Escuela Agrária Guadaljucén i una tupa coléhius púbricus. En matéria privá cuenta con cuatru centrus eucativus.
[eital] Monumentus
[eital] Legau romanu
- Teatru Romanu
- Anfiteatru Romanu
- Circu Romanu
- Puenti romana sobri riu Guadiana
- Puenti romana sobri riu Albarregas
- Acuedutu los Milagrus
- Acuedutu e San Láçaru
- Templu e Diana
- Arcu e Trahanu
- Casa el Mitreu
- Casa el Anfiteatru
- Pórticu el Foru romanu
- Conhuntu arqueolóhicu e Morerias
- Columbárius
[eital] Legau visigó i árabi
- Ospital de peregrinus (Xenodoquium)
- Basílica paleu-cristiana e Casa Herrera
- Arcaçaba árabi
[eital] Arquitetura relihiosa
- Catedral
- Basílica e Santa Eulália
- Elésia e Santa Crara
- Elésia la Muestra Siñora la Antigua
- Elésia la Muestra Siñora el Carmin
- Conventu las RR.MM. Franciscanas Concecionistas
- Conventu e Hesús Naçarenu
- Conventu e San Andrés
- Conventual Santiaguista
- Monastériu e las Freylas de Santa Eulália
- Ospital de San Huan de Dios
[eital] Arquitetura cevil
- Paláciu e los Vera-Mendoza
- Paláciu e los Corbo
- Paláciu e la China
- Rial Eifíciu la Carniceria
[eital] Arquitetura moernista i contemporánea
- Puenti e Hierru
- Puenti Lusitánia
- Bibliuteca Púbrica el Estau
- Escuela l'Alministración Púbrica d'Estremaura
- Paláciu e Congresus i Esposicionis
- IFEME (Estitución Ferial de Méria)
- Eifíciu e Morerias
- Méria III Miléniu
- Sé CHG
- Museu Nacional d'Arti Romanu
[eital] Museus
[eital] Museu Nacional d'Arti Romanu
El Museu Nacional d'Arti Romanu e Méria, obra el prestihiosu arquitetu Rafael Moneo, hue inaugurau en Setiembri e 1986, albergandu una escelenti coleción d'ohetus d'epoca romana provenientis del yacimientu arqueolóhicu e la que huera colónia Emerita Augusta, ogañu Méria. La coleción atual estuvu asiahá hata la costrución del atual eificiu nel Conventu e Santa Crara. La su vesita es hundamental pa conocel el pasau e la ciá i hazelmus una idea e lo que hue l'antigua Méria.
[eital] Museu Nacional d'Arti Visigó
Asiahau ena elésia e Santa Crara, arrecohe los vestihius arqueolóhicus alcuentraus en Méria (capital d'Ispania duranti el reinau visigó) i la su comarca pretenecientis a esa epoca.
Uguañoti está en costrución un nuevo eificiu vanguardista pa esti museu nun solal céntricu.
[eital] Museu Abiertu e Méria
Asiahau nel Complehu Curtural "Hernán Cortés", es el centru e receción de turistas i ondi estus puein hazel una revisión a los itinerárius, zonas i alohamientus turísticus de la ciá. Amás cuenta con cafeteria i tiendas de regalus.
[eital] Museu e Mineralohia i Paleontolohia d'Estremaura
Asiahau nel Centru Curtural "Arcaçaba", esti museu cuenta con una gran coleción de mineralis i fósilis.
[eital] Museu el Ferrocarril
Asiahau nel Centru Curtural "Arcaçaba". Acohi una ececional coleción d'ohetus relacionaus con el ferrocarril, afotugrafias i vidius, i una maqueta e grandis dimensionis con trenis en movimientu.
[eital] Museu el Áugua
Asiahau en Proserpina, a unus 4 qm el cascu urbanu. A través de panelis i vídius, s'esprica cumu s'abastecia d'áugua una ciá romana cumu Méria i la su utiliçación enas casas, endústria i agricurtura. Tamién ai un entrancu que simboliça l'emportáncia el áugua pal sel umanu.
[eital] Centrus d'Entelpretación
- Centru d'entelpretación de la Basílica Santa Eulália.
- Centru d'entelpretación del Circu Romanu.
- Centru d'entelpretación del Parqui Natural de Cornalvu.
- Centru d'entelpretación del mundu funeráriu romanu "Los Columbárius".
- Centru d'entelpretación la Via la Prata.
- Centru d'entelpretación "VII Sillas".
- Centru d'entelpretación de Riu Guadiana.
[eital] Distritus
Mérida se devii enos siguientis distritus sigún la Lei e Grandis Ciais:
- Distritu 1:: hormau polos barrius la malhin gocha (Nueva Ciá, San Antoñu, Alanhi, Bellavista i El Prau.
- Distritu 2: comprendi el casu antigu i El Bárriu, San Albín, República Arhentina i Cabu Verdi.
- Distritu 3: asiahau al esti la capital, comprendi los bárrius de: San Luis, Santa Catalina, La Muestra Siñora la Antigua, Maria Ausiliaora, San Láçaru, Santa Isabel i San Huan.
- Distritu 4: asiahau al norti la ciá, comprendi los bárrius de: Los Milagrus, Santa Eulália, Las Abadias, Hardín de Méria, Proserpina, Montiartu, Corchera, Algodonera, San Agustín, Tierno Galván, San Bartolomé i La Carçá.
- Distritu 5: asiahau ena zona sul, comprendi los bárrius de: Los Bodegonis, Prantonal de Vera, San Andrés i Salesianus.
[eital] Meyus de comunicación
[eital] Perióicus
- La Capital (semanáriu local)
- Voz Emerita (semanáriu local)
- Avuelapluma (eición local)
- Diario HOY (eición local)
- El Periodico Extremadura (eición local)
[eital] Emisoras d'arrádiu
- SER Mérida
- COPE Mérida
- Onda Cero Extremadura
- Punto Radio Mérida
- Europa FM Extremadura
- Kiss FM Mérida
- Canal Extremadura Radio
- Radio Forum Mérida
- 40 Principales Extremadura
- RNE Extremadura
[eital] Cadenas de telivisión
- Canal Extremadura Televisión (autunómica)
- Extremadura TV (autunómica)
- Localia Mérida (local)
- Emerita TV (local)
- Tele Mérida (local)
[eital] Ciais helmanás
Méria está helmaná con dos ciais omónimas:[2]
- Mérida, Méhicu, dendi el 13 e Setiembri e 1992.
- Mérida, Veneçuela, dendi 1990.
[eital] Referéncias
Template:Reflist
[eital] Atihus
- Páhina el ayuntamientu
- Consórciu la Ciá e Méria. Entrás a los monumentus i hestión del patrimoñu
- Mérida, Ciá Patrimoñu la Umaniá i d'Estremaura
- Arçobispau e Méria
- Itineráriu curtural
- Festival de Teatru Crásicu e Méria
- Museu Nacional d'Arti Romanu
- Páhina la S.I. Catedral de Méria
- Imahin de Méria
- Pictures of Roman Merida
- Un paseu pol Méria
- Estau el Embalsi e Montihu
- Dolmin de Lácara
- Identiá contempuránea rehional. Afotu a afotu.
- Enhormación prática al tentu el Museu el Ferrocarril de Méria