Hentilíciu
Dendi Güiquipeya
El hentilíciu gastau cumu sustantivu se refiiri al abitanti dun territóriu, ya seya un país, rehión, ciá... (pol ehempru: el estremeñu escrebió essi artículu).
Cumu ahetivu, el hentilíciu endica qu'el sustantivu calificau provien dessi territóriu (pol ehempru: essa estuyanta es española).
El hentilíciu se holma con un sustantivu particulal (pol ehempru pracentinu) u —quandu esti nu dessisti— con el suhetu siguiu la preposición "de" siguia el nombri el lugal del que se quiiri denotal la proceéncia (muhel de Méria, ombri de Liechtenstein). El hormaeru el hentilíciu consierau a partil el nombri el lugal presenta albondus chascus tantu inregularis cumu regularis, holmándusi los regularis mas comunis cola raís i sufihus cumu -anu, -eñu, -iegu, -és, -inu, -eru i -co (con angunas escecionis, cumu arhivu, orihináriu d'Argos).
Los hentilícius son heneralmenti derivaus del nombri atual el lugal peru, nangunas vezis, son derivaus dun antíguu topónimu (pol ehempru: Emerita-emeritensi). Quandu un hentilíciu se holma con dos nombris deferentis (pol ehempru Méhicu-Estaus Unius, Itália-Estaus Unius, Anglosahónia-Estaus Unius) se gastan las primeras sílabas del primeru i la terminación "u" i el hentilíciu común del segundu, unius pun guión (méhicu-estauniensi, ítalu-estauniensi, anglu-estauniensi...).