Caçris
Dendi Güiquipeya
|
Caçris |
|||
|---|---|---|---|
|
|||
 Praça Mayol |
|||
| Nombri oficial | {{{nombri_oficial}}} | ||
| Pais |  España |
||
| Comuniá Autúnoma | Estremaura | ||
| Província | Caçris | ||
| Província | Caçris | ||
| Comarca | {{{Comarca}}} | ||
| Ciá | {{{monicípiu}}} | ||
| Coigu postal | 10001 - 10005 | ||
| Supifici | 1.768 qm² | ||
| Artitú | 459 m. | ||
| Longol | 300 qm a Madril | ||
| Puebración | 95.802 ab. (2007) | ||
| Hentilíciu | Cacereñu | ||
| Rius | |||
| Páhina web | www.ayto-caceres.es | ||
 |
|||
Caçris es una ciá asiahá al oesti la Península Ibérica, capital de la província omónima i mayol ciá d'ella. Es la segundera ciá en puebración d'Estremaura i una las cuatru mas emportantis. Ena ciá vivin el 21,58% e la puebración total de la província, i las temperaturas meyas en inviernu nu son mayoris de 10º, chegandu a unas ménimas de -5º, con emportantis helás. En vranu la temperatura meya son de 35º de máisima i ménimas de 20º. Las lluvias son abundantis enus mesis de otubri, noviembri, marzu, abril i mayu, peru mu entermitentis.
La su superfici es de 1.768 km², siendu el mayol términu municipal d´España.
A 2 km pal SE se alcuentra el antigu municipiu e Aldea Moret, atualmenti barriá el mesmu nombri integrá endrentu la ciá, alreol el cual puein velsi dos yacimientus arqueolóhicus romanus: "Cuartu Robli" i "El Hunquillu".
La Vía la Prata pasa pol el sul de la ciá (un tramu discurri nu lehus el "Centru d´Istrución i Movilidación" (CIMOV) Santa Ana en direción sul; ai un tramu escavau ena cercana puebración de Valdesalol, ondi la carzá cruza una puenti romana.
A 40 km pal sul, cerca el límiti e las dos províncias, está el barriu mas alehau e la capital, Rincón de Ballesterus, incorporau en 1952 a la ciá e Caçris.
Continius |
[eital] Demografia
Caçris cuenta a 1 d´eneru e 2007 (huenti: Ayuntamientu e Caçris), con una puebración de 91.606 abitantis.
Pol distritus:
- Centru: 27.761 abitantis.
- Oesti (nuevu): 14.618 abitantis.
- Sul: 13.630 abitantis.
- Mehostilla: 7.966 abitantis.
- Aldea Moret: 6.653 abitantis
- Cascu antigu: 6.538 abitantis.
- Oesti: 4.719 abitantis.
- Norti: 4.344 abitantis.
- Esti: 1.135 abitantis.
- Otras zonas: 1.949 abitantis.
- Pedanias: 765 abitantis.
- Restu: 1.528 abitantis.
Total: 91.606
[eital] Estória
Caçris hue hundá polos romanus con el nombri e Castra Caecilia num prencipiu i aluspués se la huchearie Norba Caesarina. Probablementi sobri otrus asentamientus anterioris, ya que ena zona desistin numerosus restus prestóricus.
[eital] Econumia
La ciá e Caçris es una ciá abondu almenistrativa, puestu que en ella se hestionan casi tolos asuntus de la província a la que da nombri. Basa la su economia nel setol servicius prencipalmenti, mientas que el setol secundariu nu es mu emporti en esta ciá.
[eital] Conhuntu monumental
Nel añu 1986 hue hucheá Ciá Patrimoñu la Umaniá, pola su estraordinaria conservanza el su cascu estóricu, siendu ogañu el cuartu conhuntu monumental de toa Uropa.
