Guadiana
Dendi Güiquipeya
|
||
| • Paísis | España i Purtugal | |
| • Longol | 744 km | |
| • Caudal meyu | 70 m3/s | |
| • Superfici la cuenca | 60.361 km2 | |
| • Desembocaura | Atlánticu | |
| • Nombri oficial | Guadiana | |
| • Nombri estremeñu | Guadiana | |
Guadiana es unu los rius mas emportantis de la Península Ibérica. El su nombri procei el árabi wadi, riu, i el latín, Anas. Duranti el periodu de domeñu romanu, esti riu separaba las províncias de Baetica i Lusitania, i es citau pol el cronista Plinio ena su obra Historia Natural (Estoria Natural).
Dividi a lo largu el su cursu bahu a España i Purtugal, desembocandu entri la localiá onubensi d´Ayamonti i la purtuguesa e Vila Real de Santo António (Villa Rial de San Antoñu).
Heneraol de las Lagunas de Ruidera, atraviesa terrenus mu permeabris, polo que chega a desapaecel i reapaecel en unos manantialis chiqueninus hucheaus Ohus el Guadiana. Los prencipalis afluentis son: pola marhin derecha (pol el Norti), el Cigüela; al que tributa tamién, el Záncara i el Riánsaris. Pola marhin gocha (Sul), el Azuer, el Habalón, i el Zuhar.
[eital] Enhormación
- Crasificación decimal: 401
- Nacencia: Huenti el Ohuelu (en Viverus, Albaceti, pal tramu e riu Pinilla hata las Lagunas de Ruidera, que horman el Guadiana Viehu u Guadiana Artu (Oha cartugráfica: 788); i los Ohus el Guadiana pal su tramu meyu, que trascurri pol Ciá Rial, Estremaura i Andalucia (El Guadiana propiamenti iziu)
- Desembocaura: Océanu Atlánticu pol Ayamonti (Güelva) i Villa Rial de San Antoñu (Purtugal)]] (Oha cartugráfica: 998).
- Longol: 744 km
- Prencipalis ciáis que atraviesa: Méria i Badahó.
- Afluentis prencipalis: Cigüela i Záncara pola derecha i Jabalón, Zuhar i Guadamés pola gocha.
- Réhimin fluvial: de caudal escasu, unus 70 m³/s en Ayamonti, presenta un máisimu en ivielnu, coincidiendu con el periodu de mas lluvias. La úrtima gran riá hue la e noviembri e 1997, con desbordamientus ena província e Badahó i numerosas pérdias umanas i materialis.
