Arquímidi
Dendi Güiquipeya
(cuairu e Domenico-Fetti)
Arquímedi (287 a.C. - 212 a.C.) hue un matemáticu i enventol griegu, que tuvu nacéncia en Siracusa, (Sicília). Hue el matemáticu más emportanti dagañu. Crió una horma pa calculal el númiru pi (risurtau entri el perímetru duna cercunferéncia i el su diámetru cola aprosimación tan grandi cumu peti. Cavilaba que ná de lo que desisti es tan grandi que puea sel miiu. Prefecionó, alogu, el sistema griegu e numiración, criandu una notación menus enteosa palos númirus más grandis, porteau al sistema esponencial duguañoti.
En mecánica atribúinseli angunas envencionis talis cumu la ruea dentá, la polea móvil i la palanca. Velaquí una e las frasis que atribúinseli: “dami una palanca i un puntu p'apuchal i moveré el mundu”.
En física, nel su Tratau e los Cuelpus Frotantis, estableci las leis hundamentalis de la estática i de la idrustática. Unu e los prencípius hundamentalis e la idrustática idi talmenti asina: “Tó cuelpu margulliu parcial u rondaenti nun fluiu esprimenta un arrempuhi vertical, derihiu endi abahoti parriba, endigual al pesu el volumen del fluiu estorriau, i aplicau nel su centru d'arrempuhi." El centru d'arrempuhi es el centru e graveá del volumen que correspondi al cachu margulliu del cuelpu. En resolviendu tal pobrema mentris bañábasi, Arquímedi sacó de los piedis del braseru gañitandu Eureka! Eureka! (Atopelu!)
Las sus úrtimas cavilacionis huerun en cata de rispondel a Hierón, rei de Siracusa, si la su corona era enverá d'oru puru.
Duranti abati tres añus, las máquinas de guerra e la su envención que hundeaban dardus de piedra, iban siu las prencipalis responsabris del descuaharingui impuestu polos griegus a los ehércitus de Marcu Cláudiu Marcelu, heneral romanu que sitiaba. se idi tamién, hormi la traición, c'Arquímedi consiguió torral los navius romanus pol mé dun huegu e lentis i aspehus. Estirancólu un soldau romanu alogu la toma e Siracusa duranti la Segundera Guerra Púnica.
