Vuontisjärvi
Wikipedia(e)tik
Vuontisjärvi (iparraldeko samieraz: Vuottesjávri), Enontekiö udalerria osatzen duten herrixka finlandiarretako bat da Lappi lurraldean kokatua. Hetta herriaren ondoan aurkitzen da eta ondorioz biztanleek, gutxiengo zerbitzuen bila ez dute asko mugitu beharrik.
Berrehun pertsonetara iristen ez den biztanleria, finlandiar askoren ustez Lappiko eremu ederrenetakoan bizi da, natura basatiaren erdi-erdian. Vuontisjärvi aintziraren hertzean aurkitzen da herrixka eta honek, 1870. urtean herrixkaren gainbehera epaitu zuen. Izan ere, izugarrizko uholdeak gertatu ziren eta arrantzatik eta elur-orein abeltzaintzatik bizi ziren biztanleak, izugarrizko galerak izan zituzten. Ondorioz, herrixkak ospea galtzen joan zen gutxinaka Hettaren mesedetan, baina gaur egun Enontekiö udalerriko herrixka nagusienetakoa izaten jarraitzen du.
Laponiako Gerran, herrixka guztiz suntsituta gelditu zen, eta alemaniarrek ez zuten antzinako etxebizitzarik zutik utzi.
Honela, Vuontisjärviren historia galduz joan da gaur egun arte. Hala ere, antzinako samitarren aztarna asko aurkitu dira bertan.
[aldatu] Ikus, gainera
[aldatu] Kanpo loturak
 |
Enontekiöko herrixkak | |
|---|---|---|
|
Hetta • Jatuni • Kaaresuvanto • Kelottijärvi • Ketomella • Kilpisjärvi • Kultima • Kuttanen • Leppäjärvi |
||
