Gárasavvon
Wikipedia(e)tik
Kaaresuvanto edo Karesuando (ofizialki) (Iparraldeko Samieraz: Gárasavvon), Enontekiö eta Kiruna, Finlandiar eta Suediar udalerrietako herrixka bat da. Muonionjoki ibaiaren hertzetan aurkitzen da eta gutxi gorabehera 1.000 biztanle ditu. Muga egiten duen ibaiak, herria bitan erdibitzen du, bata alde finlandiarra eta bestea aldiz, suediarra. Zerbitzuak bi herrixka ezberdinen artean banatu egiten dira eta ondorioz, eskola, liburutegi eta hainbat dendez horniturik daude. Bertako biztanle guztiek, Eskandinaviako lau hizkuntzak (finlandiera, norvegiera, samiera eta suediera) ama hizkuntza bezala hitz egiteko gai direla diote, zeinak egunerokoan beharrezkoak dituzten. Nahiz eta betidanik (1809. urtetik) bi zatitan bananduta egon bakarra dirudite herrixkek, batez ere 1980. urtean batzen dituen zubia eraiki zenetik.
Klima, hegoaldekoa baino epelagoa da, izan ere Ozeano Artikora iristen den korronte epelek negu eta udetako tenperaturak igo egin ohi dituzte. Gauerdiko eguzkia, maiatzaren 25etik uztailaren 17ra ikus daiteke, eta une aproposa da bertako samitarren eraikuntza ikusteko, Sámiid Viessu edo "Batasun Samitarra".
Nahiz eta urte hauetan asko hazi den herria, biztanleak elur-orein abeltzaintza, arrantza, ehiza eta turismotik bizi da, non industria hitza ez den inoiz entzun. Gainera, samitarrek urtero Ozeano Artikora elur-oreinekin egiten zuten ibilaldian leku estrategiko bat zela uste da eta ondorioz, Sápmi osoko gaur egungo eliza zaharrenetarikoa eraikia izan zen.
1673. urtean iritsi ziren herrixkaren berri eman zuten lehen abenturazaleak, Matti Martinpoika eta Niilo Niilonpoika Niva hain zuzen, eta merkatal-gune oparo bat aurkitu zuten bertan. Argitara eman zutenez, herrixka hau ingurukoekin lotura handiak zituen eta Eguberri garaian, Kautokeino herrixka norvegiarreko eta haratagoko samitar guztiak bertako eliza zaharrean bildu ohi ziren bi asteko ospakizunean.
1944. urteako Laponiako Gerran, alemaniarren eskutik herrixka errea izan zen, baina finlandiarren garaipenak berreraiketa-lanak bizkortzen lagundu zuen.
[aldatu] Ikus, gainera
- Enontekiö
- Kiruna
[aldatu] Kanpo loturak
 |
Enontekiöko herrixkak | |
|---|---|---|
|
Hetta • Jatuni • Kaaresuvanto • Kelottijärvi • Ketomella • Kilpisjärvi • Kultima • Kuttanen • Leppäjärvi |
||
