Strizh-mor Bering
Diwar Wikipedia, an holloueziadur digor
Emañ Strizh-mor Bering etre Kab Dejnev (Siberia - Rusia), hemañ al lec'h reterañ (169°43' W) a zo en Azia, ha Kab Priñs Kembre (Alaska - SUA), hennezh al lec'h kornôkañ (168°05' W) e Norzhamerika. Emañ al lodenn strishañ un tammig e Su Kelc'h Arktika (65° 40' N ) ha war-dro 85 km eo e ledanded pa 'z eus un donder etre 30 ha 50 m.
Un nor etre Mor an Dchoutchked, ul lodenn eus Meurvor Skornek Arktika, ha Mor Alaska, ul lodenn eus ar Meurvor Habask, eo.
Anvet eo bet ar strizh-mor diwar Vitus Bering, un ergerzher danat a oa o labouarat evit ar Rusianed pa dreuzas ar ganol-vor e 1728.
E-kreiz ar strizh-mor emañ an Inizi Diomed (SUA), warni ur gêriadenn gant ur skol vihan.
Kinniget ez eus bet meur a wech sevel ur pont pe un hent-riboul (tunnel) evit liammañ Siberia hag Alaska ha koulskoude e oa ur pont-douar naturel e-pad Oadvezh ar Skorn anavezet evel pont-douar Bering.
E Meurzh 2006, ar Breizhveuriad Karl Bushby hag ar reder-bro Gall-ha-Stadunanat Dimitri Kieffer a dremenas war droad war ar mor skornet oc'h ober 90 km dindan ur pemzektez, met ne voent aotreet gant ar warded da vont pelloc'h e Rusia ha lakaet e voent en toull-bac'h evit ur frapadig.
Sell ouzh (BBC)
[kemmañ] Sell ivez
- pont-douar Bering
- Vitus Bering
