Estrech de Bering
Un article de Wikipèdia, l'enciclopèdia liura.
L'estrech de Bering (en anglés Bering Strait, en rus Берингов пролив, Béringov proliv) es lo passatge marin situat entre lo cap Dejnev en Asia extèma orientala, e lo cap del Prince de Galas, qu'es lo punt mai occidental d'America; es a dire que dessepara Siberia d'Alaska, o çò qu'es parièr, Russia dels Estats Units.
Ten una largor de 85 km e una fonsor de 30 a 50 m. Religa la mar de Chuktchi (part de l'ocean Artic), al nòrd, amb la mar de Bering (part de l'ocean Pacific), al sud. Al mitan de l'estrech se trapan las illas Diomedas.
Recep son nom de l'explorador rus d'origina danèsa Vitus Bering, que foguèt lo primièr d'o traversar en 1728.
Segon una ipotèsi, lo primièr poblament uman d'America venguèt d'Asia en traversar l'estrech de Bering, durant la darrièra epòca glaciaria.
Existís un projècte de bastir un pont (nomenat "Pont Intercontinental de la Patz") o un tunèl sosmarin per religar Siberia e Alaska a travèrs de l'estrech.
