Ocean Pacific
Un article de Wikipèdia, l'enciclopèdia liura.
L'Ocean Pacific es la pus gròssa massa d'aiga del mond, cobrissent lo tèrç de la superficia terrèstra amb una aira de 179,7 milions de quilomètres carrats. S'espandis de la Mar de Bering dins lo nòrd Artic, fins a las talvèras geladas de l'Antartida (Mar de Ross) al sud; lo Pacific atenh la seuna amplitud maximala èst-oèst a 5° de latitud nòrd a pauc près, ont s'espandis sus apr'aquí 19 800 km, d'Indonesia fins a las còstas de Colómbia. Lo limit oèst de l'Ocean Pacific es sovent botat a l'Estrech de Malacca.
La prigondor mejana de l'Ocean Pacific es de 4270 m amb lo punt mai pregond de la Tèrra, dins la fòssa de Marianes a 10 911 m. Lo Pacific conten apr'aquí 25 000 illas (mai que totes los autres oceans), que la màger part son situadas al sud de l'eqüator.
Al larg de las talvèras irregularas del Pacific, i a mantuna mar, que las pus grandas son: la Mar de las Celebes, la Mar del Coral, la Mar de China, la Mar de Japon, la Mar de Sulu, la Mar Tasman, e la Mar Jauna. L'Ocean Pacific es unit a l'Ocean Indian par l'Estrech de Malacca a l'oèst, e a l'Ocean Atlantic per l'Estrech de Magellan a l'èst.
L'explorator portugués Fernao de Magalhaes a batejat aquel ocean coma Pacific; dins son viatge de l'Estrech de Magellan fins a las Filipinas, "Magellan" trapèt l'ocean tranquil. Mas lo Pacific es pas sempre suau, i a fòrça tifons e auragans dins las seunas illas, e dins las tèrras a l'entorn, e la preséncia de volcans nombrós e de tèrratremols frequents. Los tsunamis, deguts als tèrratremols submarins, an devastat mantuna illa e escobat de vilatges entièrs.
Los cinc oceans | ||||
Artic |
Atlantic |
Antartic |
Indian |
Pacific |