Amerika Norte
Halì sa Wikipedia
Amerika Norte an kontinente sa kinàban na nasa sulnopan na parte kaini. Sakop kan kotinente an 24,490,000 km² (o 9,450,000 m²) o halos 4.8% kan kagabsan na ibabaw na parte kan kinàban (o 16.4% kan kadagaan na parte kaini). Poon kan Octobre 2006 an mga nag-eerok digdi luminampas nang 514 milyon. Ini an ikatolo sa pinaká dakolang kontinente sunod sa Asya asin Aprika, asin ikaapat sa pinakámatawo sunod sa Asya, Aprika asin Europa. Americas o mga Amerika kun apodon an Amerika Norte asin Amerika Sur.
[hirahón] Ginikanan kan ngaran
An Amerika Norte asin Amerika Sur akô kan kadaklan na ipinangaran sa Italyanong ekplorador na si Amerigo Vespucci kan Aleman na kartograpista na si Martin Waldseemüller. Si Vespucci an enot na Europeo na nagsuhestyon na an Americas bakô an East Indies alagad sarong bâgong kinàban dati nang dae nadiskobre kan mga Europeo. Sya man an enot na makadiskobre kan Amerika Sur asin mga kabukidan sa Amerika Sentral.
