Adolf Hitler
Èn årtike di Wikipedia.
 |
Cisse pådje ci n' est co k' on djermon, dj' ô bén k' el pådje est co trop tene et s' divreut ele ecråxhî ene miete.
Si vos avoz des cnoxhances so ç' sudjet ci, vos nos ploz aidî, clitchîz sol loyén «candjî l' pådje» po radjouter des informåcions). |
Adolf Hitler (
prononçaedje), sipoté li Furet u li pinte al grosse brouxhe, li meteu e coleur al grosse brouxhe [1], c' esteut on politikî et militaire almand k' a skepyî li 20 d' avri 1889 et k' a morou li 30 d' avri 1945. I fourit l' moenneu d' l' Almagne di 1933 disk' a s' moirt. Il esteut eto l' mwaisse do pårti Nazi. Il a moenné l' Almagne dins bråmint des gueres siconte ses vijhéns.
Hitler fijha porshure et macsåder ses opôzants eyet les cis k' les nazis riwaitént comes des “dzotrinnès raeces” (les Djwifs, les Djupsyins).
El Walonreye, tins del guere di 40, n aveut bråmint des djins k' aclevént on pourcea e muchete, kel lomént "Adofe", come Hitler. [2]
Ådvins |
[candjî] Hitler el Walonreye e 1940
Hitler a-st arivé a Bastogne et rmonter l' Pavêye diviè l' 15 di may 1940.
Al gåre di Graide, on djoû, al fén do moes d' may 1940, les Almands avént reclôs les djins dins leus måjhons, pask' i dveut passer on trin speciå. On-z a brutyî adon ki c' esteut l' trin d' Hitler et k' il aléve si gårer dins on tunel dilé Uwar.
Çou k' on n' a seu ki bén pus tård, c' est ki ça åreut co bén stî vraiy, ca Hitler a vnou el Beldjike po comander li campagne di France.
Il aveut fwait basti, å Broûli d' Peche on bunker eyu k' il a vnou kékes djoûs avou l' Estat-Madjor.
Li Broûli d' Peche, c' est rén k' ene eglijhe, ene sicole et waire di måjhons (25 e 1952), pierdowes å fén mitan des bwès eter Couvén et Cou-des-Sårts. Adon, les Almands avént vudî les viyaedjes alintoû et il avént minme fotou djus li toet do clotchî po-z î mete on canon conte les avions.
On pout todi vey li bunker da Hitler. Il est todi la.
[candjî] Hårdêyes divintrinnes
- Deujhinme guere daegnrece
- Nazisse
- NSDAP
[candjî] Hårdêyes difoûtrinnes
[candjî] Sourdants
- ↑ Félicien Barry divins "Sonk walon".
- ↑ Metans, dins on racontaedje da Georges Ghys, cial.
