希特勒
出自維基百科
阿道夫·希特勒（Adolf Hitler，1889年4月20號—1945年4月30號）到1933年直到佢死為止都係德國 嗰總理，由1934年一逕到佢死為止都係德國嗰Führer。等佢做總理同到首領嗰時間，佢拕人非官方人咁話係德國嗰「獨裁者」。希特勒由1921年開始都係國家社會主義德國工人黨（Nationalsozialistische Deutsche Arbeiterpartei，即納粹黨）嗰領袖。
希特勒到德國第一次世界大戰之後嗰危機嗰場中得勢。佢用宣傳同到有力嗰演講，佢關注中產同到草根階層嗰經濟利益，並且有一定嗰民族主義、反猶太主義同到反共產主義嗰味道。等創立嘍一隻重新架構過嗰經濟，一隻重新武裝過嗰軍隊，同到一隻極權統治嗰政權之後，希特勒仰上採納一種向外擴散嗰壓迫性外交政策，為到擴張德國嗰生存空間。咁，等德國佔領奧地利同到捷克一滴土地，同到就入侵波蘭之後，就觸發嘍第二次世界大戰。箇兮地方大部分都接到拕人併進大德意志帝國（Großdeutschland Reich）嗰範圍裡頭。
雖話納粹德國同到軸心國到巔峰時期佔領嘍歐洲大部分國家嗰地，末了佢俚哈係拕聯軍打敗嘍。仗打完發現，納粹德國攏共殺吥嘍一千一百多萬人，箇包括屠殺六百萬猶太人。
到戰爭嗰末期，因為柏林拕蘇聯紅軍佔領，希特勒就同佢老婆到地下室裡頭自殺嘍。
