Poperienge
Uit Wikipedia
- Dit artikel es geschreevn in 't Poperiengs, en da zou best ozô bluuvn.
Stad Poperienge | |
---|---|
Poperinge | |
Liggienge binn 't arroundissement Yper in de provinsje West-Vloandern |
|
Woapen | Vlagge |
Geografie | |
Gewest | Vloandern |
Provincie | West-Vloandern |
Arroundissement | Yper |
Liggienge | 50°51' NB 02°43' OL |
Liggienge | {{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL |
Ippervlak | 119,33 km² |
Inweuners (Bron: NIS) | |
Inweuners – Vintn – Vrouwn – Bevolkiengsdichtheid |
19.623 (01/01/2006) 49,59% 50,41% 164 inw./km² |
Leeftydsipbouw 0–17 joar 18–64 joar 65 joar en ouder |
(01/01/2004) 21,70% 59,35% 18,94% |
Buutnlanders | 1,90% (01/07/2005) |
Weirklôoseidsgroad | 6,53% (01/01/2006) |
Polletiek | |
Burgemêester | Christof Dejaeger (CD&V) |
Coaliesje | CD&V, Open VLD |
Zetels CD&V Open VLD PRO Vlaams Belang |
25 12 6 6 1 |
Dêelgemêentn me postcode | |
Postcode | Dêelgemêente |
8970 8970 8972 8972 8972 8978 |
Poperienge Rinnegelst Krombeke Proovn Roesbrugge-Oarienge Woatou |
And're info | |
Zonenummer | 057 |
Poliesjezone | {{{polz}}} |
Webadres | www.poperinge.be |
Poperienge (officieel Nederlands: Poperinge) is e Belgische steej in West-Vloandern. 't Weun doar om en by de 19.000 menschen. Poperienge legt in de Westoek tegen de Schreve. 't Is ekend voe zyn ommel, een ingrediënt voe bier.
De bynoame van e Poperienknoare is Keikop.
Inoud |
[bewerkn] Geschiedenisse
- De noame Poperienge komt messchiens van: Pupurn+inga+heim. 't Uus van menêre Pupurn, e Frank uut de joarn 430.
- Round 666 zou Poperienge wegegeevn zyn an een abdy die nu in Sint-Omer legt. Da klôoster goa joarenlank vele invloed en op 'n stad (tout an de Fransche Revoluusje zelfs). Doadeure kom et ouk da Poperienge nôois ni afankelik wos van de Groavn van Vloandern. Dat adde zyn vôor- en nadêeln.
- In 1147 gaf Diederik van den Elzas Poperienge neur êeste keure. Die keure wos in 1187 nog e ki bevestigd deur Graaf Filips van den Elzas die ouk toestemmienge gaf om mart t'oudn in Poperienge (de Vrydagmart die nu nog ossan bestoat).
- Poperienge e nôois goed overêenekomn mi Yper. De rivaliteit wos dikkers ni te doen. Yper koste ni verdroagn da Poperienge oek loakenindustrie ad. In de joarn 1341 viel Yper zelfs Poperienge an, en nam ze krygsgevangn mei. Poperienge muchte vogens e verdrag gin loakn moakn, en doarom moestn ze oek na 't tribunoal van de Groaf van Vloanderen (1372). De 2 partiejn blêevn palavern. Uut die tyd stamt oek de bynoame van de Poperienknoars.
- Bissn 'n Êestn Weireldôorlog wos Poperienge, t'ope mi Veurn, 'n ênigstn stad in Belgie die ni deur de Duutsche wos bezet.
[bewerkn] Beziensweirdigheedn & attraksjes
- Talbot House: een opvangcentrum voe d'Iengelse soldoatn in '14 - '18, woa da ze e bitje kusn rustn vôorn da ze were na 't front moestn.
- Kom je mi je vèlo, ton ku je de Hoppelandroute (43 km) e ki probeern. Ze legt in 't nôordwesn va Poperienge, tegen de Schreve.
- Ommegank: de joarlikse procesje ('n êestn zundag va juli) ter erinnering an 't miroakel van e dôodgebôorn kiendje da were levend kwam in zyn graf.
- Drie kerkn: Sinte-Beirtns (loat-gotisch), Oeze-Vrouwn (gotisch), e Sint-Jan (gotisch).
- Hopmuseum: je lêert er olles over ommel en 'n plok.
- Hoppefêestn: vullebak fêestn, mit e grôotn stoet; olles stoat in 't têekn van 'n ommel nateurlik.
[bewerkn] Bekende Poperienknoars
- Lanceloot Blondeel (1498-1561), kunstenoare
- Leonard Lodewijk De Bo (1826-1885), schryver van standaardwerkn vo 't West-Vlams. Ni in Poperienge ebôorn, moa d'r wel lange ewund.
- Lucien Deschodt, oud-burgemêester en volksvertegenwôordiger voe de CVP.
- Dirk Frimout (1941), 'n êestn Belg in de ruumte.
- Mêester Ghybe, fictivve figeure uut de folklore.
- Lodewyk Maekeblyde (1564-1630), e poater-jezuït.
- Anne Provoost, schryfster.
- Henri d'Udekem d'Acoz (27 november 1933), oud-burgemêester en nonkel va prinses Mathilde.
[bewerkn] Poperiengs
De toengvol van Poperienge trekt styf goed op 'n dien van Yper e Veurne, e komt van ol de West-Vlamsche dialectn messchiens nog 't mêest overêen met 't Vlemsch in Frans-Vloandern. E poar kenmerkn van 't Poperiengs:
- 't Vôorvoegsel van de verleedn dêelwôordn is e en ni ge
- Vôorbeeld: En et dat nie ezeid.
- De letterverbiendieng nd klienkt by Poperienknoars lik ng, of beter nog: lik de zuvere en uutgesprookn Fransche neusklanke n
- Vôorbeeldn: anger (ander); bezonger (bijzonder), ongerd (honderd)[1]
- In 't Poperienks moakn ze dikkers 't mêervoed van wôordn mi 1 lettergrepe deur d'r een -s an te plakkn:
- Vôorbeeld: Wyder eetn friets.
- Vôorbeeld: De tands van de kats zyn scherp.
- E typies stopwôordje by Poperienknoars is "bing". 't Kud oek ecombineerd zyn mi andere stopwôordjes.
- Vôorbeeld: 't Is oglyk etwot te zeggn enni, bing.
[bewerkn] Streekproductn
- Hommelbier
- Ennepot: enne, koof en keun in gelatinesaus. Om koud op t'eetn. Ze moakn da surtout in de weke da 't kerremesse is in Poperienge (vlakby, in 't nôorden van Vrankryk, bestoat er e varioasje op da ze Potjevleesch noemn).
- Mazarinetoartn: tartje in warme sause mi butter en kanêel.
- Ommel- of Hoppescheutn: de joenge lootn of scheutn van de hoppeplante; styf ewild deur de sjieke restorangs.
[bewerkn] Varia
- Poperienge is vernoemd in The Canterbury Tales, e weireldberoemd, Iengels werk van Geoffrey Chaucer uut 'n 14sn êeuw. In 't oenderdêel Chaucer's Tale of Sir Topas kuj de vogende passage leezn:
- Yborn he was in fer contree, In Flaundres, al biyonde the see, At Poperyng in the place;
- (vertoald) E wos ebôorn in e plekke in e ver land, In de Vloanders over de zêe, Poperienge wos de noame;
- Muziekfans weetn dat er in Poperienge e grôte metal-aanang is. 't Is gin toeval da 't êeste optreedn va Metallica in Belgie in zaal Maecke Blyde wos (12 februoari 1984). En oek 't êeste Europeesche optreedn van Slayer wos in Poperienge.
[bewerkn] Kernn
Buutn 't steej zevve, leggn der in de gemêente nog de dêelgemêentn Krombeke, Proovn, Rinnegelst, Roesbrugge-Oarienge en Woatou. Abêle en Sient-Jan-ter-Biezn zyn oek twêe dorptjes op 't groendgebied va Poperienge, moa 't zyn gin dêelgemêentn.
# | Noame | Ippervlakte | Bevolkienge (1999) |
---|---|---|---|
I | Poperienge | 47,61 | 12.644 |
II | Krombeke | 8,54 | 711 |
III | Proovn | 13,10 | 1.394 |
IV | Rinnegelst | 15,20 | 1.405 |
V (VII) (VIII) |
Roesbrugge-Oarienge - Roesbrugge - Oarienge |
11,60 |
1.105 |
VI (IX) (X) |
Woatou - Sient-Jan-ter-Biezn - Abêle |
23,28 |
1.940 |
De gemêente Poperienge grenst an e masse landelikke dorptjes, en deur ze lange landsgrenze (de Schreve) oek a verschillige Fransche gemêentn:
|
|
[bewerkn] Koarte
[bewerkn] Zustersteedn
- Zatec in Tsjechie, sedert 1964
- Wolnzach in Duutsland, sedert 1965
- Hythe in Iengeland, sedert 1980
- Rixensart in Belgie, sedert 1990
Mêer ofbeeldiengn die ier by passn ku je vien ip Poperienge ip Wikimedia Commons. |
[bewerkn] Externe koppelienge
[bewerkn] Bronnn
- ↑ Johan Winkler, Algemeen Nederduitsch en Friesch dialecticon, deel twee. Martinus Nijhoff, Den Haag 1874
|
|
---|---|
Anzegem | Ardôoie | Beirnem | Blanknberge | Brèènienge | Brugge | Damme | D'n Oane | De Panne | Deirlyk | Dentergem | Diksmude | Gistel | Euvelland | Ooglee | Oetulst | Ichtegem | Yper | Iengelmunstr | Yzegem | Jabbeke | Knokke-Heist | Kookloare | Koksyde | Kortemark | Kortryk | Kuurne | Langemark-Poelkapelle | Legem | Lendlee | Lichtervelde | Lo-Rênienge | Mêenn | Mêesn | Mullebeke | Middelkerke | Môoslee | Nieuwpôort | Oalveringem | Oarelbeke | Oavelgem | Oedeburg | Ôostkamp | Ôostrôzebeke | Ostende | Pittem | Poperienge | Roeseloare | Ruuslee | Spiere-Elkyng | Stoan | Tielt | Toeroet | Veurne | Vletern | Woaregem | Wervik | Wevelgem | Wielsbeke | Wiengne | Zillegem | Zunnebeke | Zuunkerke | Zwevegem |
|
België | Provinsjes |