Toeroet

Uit Wikipedia

Stad Toeroet
Torhout
Liggienge binn het arroundissement Brugge in de provinsje West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arroundissement	Brugge
Liggienge	51°03' NB 03°06' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	45,23 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	19.539 (01/01/2007) 49,82% 50,18% 432 inw./km²
Leeftydsipbouw 0–17 joar 18–64 joar 65 joar en ouder	(01/01/2004) 19,08% 62,89% 18,03%
Buutnlanders	1,01% (01/07/2005)
Weirklôoseidsgroad	7,09% (01/01/2006)
Polletiek
Burgemêester	Norbert Decuyper
Coaliesje	CD&V
Zetels CD&V sp.a/Groen! Welzin Open VLD Vlaams Belang	25 15 6 2 2
Dêelgemêentn me postcode
Postcode	Dêelgemêente
8820	Toeroet
And're info
Zonenummer	050
Poliesjezone	{{{polz}}}
Webadres	www.torhout.be

Toeroet (officieel Nederlands: Torhout) is e stad in de provinsje West-Vloandern. D'er weun mêer dan 19.000 menschen.

De noame va de stad werd overtyd ip z'n Frans geschreevn: Thourout. By spelliengservormiengn werd die noame vernederlanst noa Torhout, moa an diene kant van West-Vloandern wordt da nog oltyd lik Tourout (AN Toeroet) uutgesproken.

[bewerkn] Overige kernn en buurgemeentn

Toeroet eit gin echte dêelgemêentn die overtyd ounafhankelik woarn, moa der liggn wel nog e poar klêne parochjes in Toeroet, lik Wyndoale en Sint-Enricus. Sint-Enricus is e klêen parochietje ip de boane van Kortemark noa Lichtervelde, en 't lig zelfs dichter by 't centrum van die gemêentn dan by Toeroet-stad. Tegen Toeroet-centrum liggn der nog e poar parochjes die me 't centrum verweven groaken, Sint-Jozef Arbeider (beter gekend as De Driekeuniengn) en Don Bosco. In 't centrum zelve zyn der nog e poar grôte wykn die en eign noame èn, lik Maria Assumpta, Toeroet-Oost en De Goede Herder.

#	Noame	Ippervlakte	Bevolkienge
I	Toeroet
II	Wyndoale
III	Sint-Enricus
IV	De Driekeuniengn
V	Don Bosco

De gemêente Toeroet grenst an die gemeentjes ier:

a. Erdryke (gemêente Zillegem)
b. Veldegem (gemêente Zillegem)
c. Ruddervôorde (voe specifieker te zyn: de wyk Baliebrugge) (gemêente Ôostkamp)
d. Lichtervelde (gemêente Lichtervelde)
e. Gits (gemêente Ôoglee)
f. Kortemark (gemêente Kortemark)
g. Ichtegem (gemêente Ichtegem)

Toeroet, pleksjes en buurgemêentn. De gele stikkn zyn de bebouwde gebiedn

[bewerkn] Specialiteitn

Toeroet is bekend vo zyne goeie mostaard: t Wostyntje^[1]

[bewerkn] Attractjes

Sint-Pieterskerke

't Bus van Wyndoale met e maïsveld dervoorn

De Sint-Pieters-Bandenkerke is a romoanse kerke, die achter den Twiddn Weireldoorlog gerestaureerd is noa de plann uut den 12sten eeuw.
Toeroet was eindelik het mêest bekend by den gemiddelden weireldburger deur Toeroet-Werchter, een joarliks rockfistival in 't begun van de vacance. De West-Vloamingen ein nog olsan nie verteird dat 't nu allêne in Werchter g'ouden weirdt.
Tusschen Toeroet en Ostende ligt de Groene 62. Vroeger was da ne spoorweg, woa da ze nu e natuurgebied en vélo- en wandelboane va gemakt ein.
't Kastêel van Wyndoale en Wyndoale Bus, juste buutn 't centrum van Toeroet. Maria van Bourgondië is ier veroungelukt as ze 25 joar oud was, toen da ze van eur peird was gevolln bijst e valkenjacht in de bussen van Wyndoale. De 25ste meie 1940 giengn der ier belangryke gesprekken deure tusschen keunienk Leopold III en ze ministers, wa loater leidde tot de keuningskwestie.
Een ander kastêel is Kastêel d'Aertrycke, of De Maeres kastêel.
Olle joare wordt den ultraloopkoers De Nacht van Vlaanderen round Toeroet g'organiseerd. De wedstryd vertrekt en arriveert in de stad.
Joarlikse tradiesie es de peirdemart woarda der veel volk noa toekomt.
In 't kastêel Raavenhof is ter a tentoonstellienge over Toeroets eirdewerk. ^[2]
Groenhove bus is a vree schoon gebied voe te wandeln en voe met de vélo te ryn.

[bewerkn] Bekende Toeroetnoars

Brahim: zanger
Maaike Cafmeyer: artiest (actrice, zangeresse...)
Hilde Crevits: politica
Herr Seele: pianostemmer, têkenoare,...
Dirk Tanghe: regisseur en toneelmoaker, sinds 1996 artistiek directeur van de Paardenkathedraal, et professioneel theoatergezelschap van Utrecht
Peter Vandermeersch: hoofdredacteur van De Standaard
Eugène Van Oye: docteur, dichter, tonêelschryver, flamingant
Jozef Verhaeghe: directeur ip ruste van 't VTI
André Vermeulen: journalist, ekend van oundermêer Eurosing
Hendrik Willemyns: van 'n popgroep Arsenal (ekend van 'Switch' en 'Lotuk' en 'A Volta'. Ze zingn vele in 't Portugees)