Oarelbeke

Uit Wikipedia

Stad Oarelbeke
Harelbeke
Liggienge binn het arroundissement Kortryk in de provincie West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arroundissement	Kortryk
Liggienge	50°51' NB 03°18' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	29,14 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	26.172 (01/01/2006) 49,68% 50,32% 898 inw./km²
Leeftydsipbouw 0–17 joar 18–64 joar 65 joar en ouder	(01/01/2004) 19,65% 62,74% 17,61%
Buutnlanders	1,48% (01/01/2006)
Weirklôoseidsgroad	6,83% (01/01/2006)
Polletiek
Burgemêester	Rita Beyaert (CD&V)
Coaliesje	CD&V / NVA, sp.a / Spirit / Groen!
Zetels CD&V / NVA sp.a / Spirit / Groen! Vlaams Belang Open VLD / HAND / GEM.BEL.	29 13 10 4 2
Dêelgemêentn me postcode
Postcode	Dêelgemêente
8530 8531 8531	Oarelbeke Boaviekove Ulste
And're info
Zonenummer	056
Poliesjezone	{{{polz}}}
Webadres	www.harelbeke.be

Oarelbeke (officieel Nederlands: Harelbeke) is e stad in de provincie West-Vloandern in België, bekend as "Oarelbeke, de vurige stede". Der weunn à peu près 26.000 minsn.

[bewerkn] Olgemêen

Olverwege vôrige êeuwe wos ter in Oarelbeke een grôte concentroatie van arbeiders en bouwvakkers, surtoe in de wykn 't Ooste en 't Eiland. Een êerlik moa ruw volkske, woa dan d'omliggende gemêentn ip nere kykn. Doarom oak dat'er vele klappn van "Oarelbeke, gunter woa da de messetrekkers weunn".

T'was ton ôok êen van de roare gemêentn in de streke woa dat de sossn, met ounder andre Marc Bourry, an de macht woarn. Ol de socialistische bewegiengn woarn de moteur veu e bloeiend cultureel leven: meziek- en têkenacademie Peter Benoit, harmonie Vooruit en fotoclub Germinal als mêest bekende.

In Oarelbeke ei nog 't gehucht Stoasegem en de parochies Sint Salvator (centrum), Sint Rita en 't Eiland. Oarelbeke es gefusioneerd me twêe dêelgemêenten: Ulste en Boavekove.

Oarelbeke eit vele van zyn ziele verloorn oanze een grôot dêel van 't centrum ofgebrookn ein voer Oarelbeke radikoal in twêeen te snyen deur de grôte Gentse boane. Moa nu trachtn ze er were t'verkêer dervan te krygn en er een smoal boantje van te moakn.

Der is een stoatie in Oarelbeke.

[bewerkn] Bekende inweuners

Oarelbeke es ounder andre bekend van de tôondichter Peter Benoit. Da vertoalde zich loater in êen van de mêest bloeiende muziekakademies van Vloandern en de harmonie Vooruit die en internationale reputoatie oat.
De bekensten industrieel is Pierre Lanneau die zyne noame è loatn verandern noa Lano. Ie luktige d'erin een schôon tapytfabriekske Lano Carpets te doen marcheern en om n'endeke burgemêester en CVP volksvertegenwoordiger te koomn.
Nesten è ipgekwêekt by de nunnekes in Oarelbeke moa weun nu in Kuurne.
Wim_Opbrouck kluchtigoard, tonêelspeler, acteur, muzzekant ... weunt in Boavekove
Leif Hoste
Stijn Devolder
Dirk Demol
Jan Bucquoy, veelzydigen anarchist tot in de kist,
Xavier Malisse de tennisspeler, weunt in Ulste

[bewerkn] Bezienswoardigeedn

Noast 't stadeus, in 't ouderlik eus van Peter Benoit keunzje nu het "Pijp en tabaksmuseum" vindn. Ge vindt er ôok de Goavers, een kunstmoatig meer angeleid ten tyde van den anleg van de autostroade (nu E17, overtyd E3). Oarelbeke es de start en ankomstplekke van de E3 Prys Vloandern, een velokoerse. Wok de moeite vo ker te goan is't jeugdeus de salamander.

[bewerkn] Toale

Het dialect van Oarelbeke è typies en gemakklik 't erkenn. 't Mêest ipvoallnde è de dubbele ountkennienge lik in 't Afrikoans, bevôorbeeld: "Ge moe nie sloan nie". En de lange klanken moej nog e bitje rekken.

Andre typiese utdrukkienge voo t'Oarelbeeks te testn zyn : "zeg, pakte kljeinen, minne vèn moe vechtn" of "In oarlebe'e ein ze gin moeite nie voe en poar ba'en bier in ulder leise te kappn. Ulder kla'e goat'er nie skêef van stoan. "