Stijn Devolder
Uit Wikipedia
- Dit artikel es geschreevn in 't Kortryks, en da zou best ozô bluuvn.
 |
|
|---|---|
| Persoonlikke informoatie | |
| Noame | Stijn Devolder |
| Bynoame | Volderke |
| Gebortedoatum | 29 ogustus 1979 |
| Geborteplekke | Oarelbeke, Belgie |
| Lengte | 182 cm |
| Gewicht | 71 kg |
| Specialisoatie | kut olles (tydryen, klassiekers, klemmn,...) |
| Ploegen | |
| Ploeg van nu | Quick·Step-Innergetic |
| Ploegen van toun | |
| 2005-2007 2004 |
Discovery Channel US Postal-Berry Floor |
|
|
|
Stijn Devolder (Oarelbeke, 29 ogustus 1979) es nen West-Vlamsche coureur. Omda't ie nogol redelik omôge kan ryn en nen goein tydryder es, weirdt ie gezien als de bestn rounderenner va België van 't moment. 't Is ne coureur die initiatief durft te pakkn at ie goeie bêenn eit en ni te vele rekent, moa geirn deurevlamt. Ie es van Sellewie, nen wyk in Deirlyk.
Inoud |
[bewerkn] Carrière
[bewerkn] Jeugdjoarn
Stijn Devolder es ols dertienjoarige begonn by de wielerclub 'De Schildpadden'. In 1994 es't ie overgestapt noa de amateurploeg De Kortrijkse Groeningespurters. By de nieuweliengn wos 'n ol froai goed (oundermêer en overwinnienge in 'n klemkoers van Forrières), mo 't is surtout byn de juniors dat 'n en echtn topper kwam. In zyn êeste joar wos 't ol 'n twin in 't Belgisch Kampioenschap in Rinnegelst achter Kevin Proost. E won oek twi joar tereke de Rounde van Vloandern. Ie es't er gebleevn tot in 1999. Doarachter es't ie begunn ryn by de Merckx-boys, omda't ie ozô mêer internationoale wedstrydn koste ryen.
Ze beste joar byn de beloftn wos 2001, woarin dat 'n de Vlamschn Pyl, de GP Woaregem, Zesbergnprys in Oarelbeke en d'eindzege in de Rounde va Luuk. E muchte da joar oek stoage doen byn Mapei, mor e contract en krêeg 'n doa nie. E muchte oek nie no 't weireldkampioenschap da joar. Byn Vlaanderen-T-Interim krêeg 'n wel e contract en kus 'n egliek prof kommn.
[bewerkn] Profcarrière
In 2002 es't ie prof gekoomn by Vlaanderen-T-Interim. Achter een poar ipmerkelike prestoaties (twidde in de GP Fayt-le Franc en derde in de E3 Prys Vloandern en êreplekkn in de Rounde van Vloandern, Rund um Köln en de Vierdoagse van Duunkerke) mocht ie begunn by US Postal ounder Dirk Demol in 2003. In 2004 eit ie zyn êeste overwinnienge gehoald by de profs: ne rit in de Vierdoagse van Duunkerke. Stillekesan weirdt ôok duudelik da't ie rounderennercapaciteitn eit, wa da leidde tot êreplekkn in vee roundes. In 2007 kwam doavan de bevestigienge, deur zyn eindoverwinnienge in de Rounde van Ôostnryk. Loater ip 't joar eit ie ôok nog êne dag de goudn trui gedroagn in de Rounde van Spanje, omda't ie êestes stound in't klassement. In 2008 kwam et vôorlôpige ôogtepunt van zyn carrière toen da't ie de Rounde van Vloandern won. Hêel de finale zat Devolder mee van vôorn, en ip e goeie 20 kilomeiters reed ie ollêne weg en blêef 't ie sterk deuregoan tout in Meerbeke.
[bewerkn] Palmares
- 2004: winnoare rit in vierdoagse van Duunkerke
- 2005: Eindwinnoare van de Driedoagse van De Panne
- 2005: Kortryk Koerse
- 2006: tydrit Rounde van België
- 2006: 8ste Rounde van Duutsland
- 2006: 11de Rounde van Spanje
- 2007: Tydrit Driedoagse van De Panne
- 2007: 3de in de Rounde van Zwitserland
- 2007: Kampioen va België
- 2007: tydrit in de Rounde van Ôostnryk
- 2007: eindklassement van de Rounde van Ôostnryk
- 2008: Tydrit Rounde van Algarve
- 2008: Eindwinnoare Rounde van Algarve
- 2008: Rounde van Vloandern
- 2008: Tydrit Rounde van België
- 2008: Eindwinnoare Rounde van België
- 2008: Bergklassement Rounde van België
[bewerkn] Ploegn
- 2001 - Mapei-Quick·Step (stagiair)
- 2002 - Vlaanderen-T-Interim
- 2003 - Vlaanderen-T-Interim
- 2004 - US Postal-Berry Floor
- 2005 - Discovery Channel Pro Cycling Team
- 2006 - Discovery Channel Pro Cycling Team
- 2007 - Discovery Channel Pro Cycling Team
- 2008 - Quick·Step-Innergetic
