Zinbàbue
Da Wikipedia, ła ençiclopedia libara.
Zinbàbue | |||||||||
---|---|---|---|---|---|---|---|---|---|
|
|||||||||
Motto: Unity, Freedom, Work (Traduzione: Union, Łibertà, Łaòro) |
|||||||||
Informazsion | |||||||||
Nome par intiero: | Republica deło Zinbàbue | ||||||||
Nome ufizsiałe: | Republic of Zimbabwe | ||||||||
Łéngoa uficiałe: | inglexe | ||||||||
Cavedal: | Harare (1.485.615 ab. / 1992) | ||||||||
Politica | |||||||||
Governo: | Republica | ||||||||
Capo de stato: | Robert Mugabe | ||||||||
Capo de governo: | |||||||||
Indipendenzsa: | 7 de apriłe 1980 | ||||||||
Area | |||||||||
Totale: | 390.580 km² | ||||||||
Pos. nel mondo: | 59° | ||||||||
% delle acque: | 1 % | ||||||||
Popolazione | |||||||||
Totałe: | 12.576.742 ab. (2003) | ||||||||
Pos. nel mondo: | 66° | ||||||||
Densità: | 32 ab./km² | ||||||||
Geografia | |||||||||
Continente: | Africa | ||||||||
Fuxo oràrio: | UTC +2 | ||||||||
Economia | |||||||||
Vałuta: | dołaro deło Zsinbàbue | ||||||||
Varie | |||||||||
TLD: | .zw | ||||||||
Prefiso tełef.: | +263 | ||||||||
Sigla autom.: | ZW | ||||||||
Ino nazsionałe: | Kalibusiswe Ilizwe leZimbabwe | ||||||||
Festa nazsionałe: | |||||||||
Ła Republica del Zinbàbue el xe on stato (390.757 km², 13 milioni zsirca de abitanti, cavedal Harare) de l'Africa meridionałe.
El se cata tra el fiume Zanbexi e el fiume Limpopo; nol ga sbochi sol mare, el confina a nord co ło Zanbia, a est co Mozanbico, a sud co Sudafrica e a ovest col Botswana.El presidente xe el ditator Robert Gabriel Mugabe che xe al potere da l’indipendenzsa (18 april 1980).
Indice |
[modifica] Storia
Par savérghene piesè, varda ła vóxe Storia del Zinbabue. |
Da i ricatamenti archeołoxeghi se sa che el regno de Monomotapa el xera ben svilupà za nel VI secolo. Łe roine de la Gran Zsinbàbue conserva el pałazso real, le mure de la zsità e de le caxe en piera fate co na tècnega avanzsada. I karanga, ła etnìa che deso ła vien ciama’ shona, xera fàvari e ghe i resti de piasè do miła miniere de fero, ran, oro e stagno a far da testimoni. Dal sècoło X, i karanga fasea marca’ co i arabi su la costa del Mozsanbico. El re de i karanga, el Monomotapa, controlaa el Zsinbàbue, un toco de Mozsanbico e zone del Malawi. La civilta’ de Monomotapa la gha perso forza col tempo. Le popolazioni bantu rotsi, un grupo afine a i karanga, xe riva’ en tel nord nel XVI secolo e i gha spinto i karanga fora da le zone minerarire. El arivo de i portoghexi gha ferma’ el merca’ co i arabi e el regno de Zsinbàbue gha perso forzsa. Nel XIX secolo, tuti i popoli de l’Africa del sud xera in fermento. Soto la guida de Shaka Zulu, i zulu gavea scomencia’ a slargarse. Le popolazioni vicine le scapaa. I matebele (ndebele al singolar) xe ariva’ nel teritorio shona (1837) e se gha tolto el teritorio meridional. Nel 1889, Cecil Rhodes, fondator de la British South Africa Company – na compania mineraria e de comercio – meno’ un grupo de 200 colonialisti inglexi e de 700 polizsioti en tel Zsinbàbue par costruir un pozso. Sti qua’ i ga fonda’ la cita’ de Salisbury. Nel 1895, con la scusa de arestar de i ladri de bestiame, i inglexi atacava Bulawayo, la capital del regno guida’ dal re Lobenguela. El re scapo’ en te la foresta e en poco tempo Rhodes controlo’ tuto el paese che ciamo Rhodesia del Sud (la Rhodesia del Nord saria el Zambia de anco’). Nel 1969, i coloni xera el 5% de la popolazsion, ma i controlava el 70% de la tera. El governo inglexe voles dar l’indipendenza a la Rhodesia, ma el partito de i bianchi no volea. Nel novembre 1965, Ian Smith, capo del governo coloniale, gha dichiara’ l’indipendenza unilaterale de la Rhodesia par star al poder. El Partito Union Popolar de lo Zsinbàbue (ZAPU) gha tacar a far la gueriglia. Nel 1980, Robert Mugabe fu eleto primo ministro del governo provisorio, e dopo l’e’ diventa’ el presidente. El governo de Mugabe l’e’ diventa’ sempre piu’ ditatorial e responsabile de gravi violazsioni de i diriti umani de la zente.
[modifica] Giografia
La majoria de lo Zsinbàbuel’e’ n’altopian che va da i fiumi Limpopo e Zanbezsi. Le montagne se cata al nord, al confin col Mozsanbico, e le riva a 2.600 metri de altezsa. El fiume piasè grande xe el Zanbesi, al confin co lo Zsanbia. L’acua del fiume alimenta la diga de Kariba, e forma le cascate Vitoria.
[modifica] Popolazsion
La majoria de i abitanti vive ne le campagne. Ghe do etnie principali: i shona e i matebele. I bianchi xe el 2%.
[modifica] Economia
El Zsinbàbue gavea na agricoltura avanzada. El produzsea formenton, gran, fruta. El paexe esportava tabaco, cafe’ e bagigi. Le foreste le dava legni pregiati. Da la fin de i ani 1990, la politica agraria gha rovina’ l’agricoltura. El governo gha tolto le tere a i bianchi par darle a i neri (4,500 fatorie bianche controlava el 50% de la tera agricola, contro i 4.500.000 agricoltori neri ne l’altro 50%). Pero’ a tera le sta’ data a i amici del presidente e la produzsion agricola l’e’ diminuia. Nel 2006, el Zimbabwe gha prodoto manco de un terzso de la produzsion del 1999. L’inflazsion l’e’ del 3.600% e el paexe l’e’ pasa’ da esporator a importator de formenton.
[modifica] Religion
La majoria de i Zsimbabueani segue i riti tradizsionai (75%). I Catoleghi xe el 10%, el resto xe protestanti o cristiani de sete locali.
- Portałe Africa: varda łe altre voxe de Wikipedia che łe parla de Africa
Stati del mondo | Africa | |
Algeria | Angoła | Benin | Botswana | Burkina Faso | Burundi | Camerun | Capo Verde | Ciad | Costa d'Avorio | Egito | Eritrea | Etiopia | Gabon | Gambia | Ghana | Gibuti | Guinea | Guinea Equatorial | Guinea-Bissau | Comore | Kenya | Lesotho | Liberia | Libia | Madagascar | Malawi | Mali | Maroco | Mauritania | Mauritius | Mozambico | Namibia | Niger | Nigeria | Republica Centrafricana | Rep. Dem. del Congo | Republica del Congo | Ruanda | São Tomé e Príncipe | Senegal | Seychelles | Siera Leon | Somałia | Sudafrica | Sudan | Swaziland | Tanzania | Togo | Tunixia | Uganda | Zambia | Zimbabwe | |
Enclave e posedimenti europei | |
---|---|
Ceuta (Spagna) | Melilla (Spagna) | Réunion (Franzsa)| Sant'Ełena (Regno Unìo) | |
Teritori con stato legałe mìa definìo | |
Sahara Ocidental |