Linux
Da Wikipedia, ła ençiclopedia libara.
Linux el xe ła denominazsion de on sistema operatio e el xe el nóme de on núcleo. El xe uno de i paradigmi de sviłupo de el software łibaro (e de el codexe verto), ndo chel codexe fonte el stà disponibiłe públicamente e cualsevoja persona, co conosenzse informadeghe oportune, ła pol łibaramente studiar-lo, usar-lo, modificar-lo e redistribuir-lo.
El termine Linux el fa cao al núcleo Linux, parò el xe pi comunamente utiłizsà pa descrivare el sistema operatio tipo Unix (chel inplementa el standar POSIX), chel utilizsa primordialmente filosofía e metodołoje łibari. El núcleo nol xe parte ofixiałe de el projeto GNU (chel ga el so propio núcleo chel xe drio sviłuparse, ciamà Hurd), parò el xe distribuío baso términi de ła lixenzsa GNU GPL.
La espresion Linux ła xe anca utilizsà pa referirse a łe distribuzsion GNU/Linux, cołezsion de software che łe usa gaver rento cuantità grande de pachéti anca del núcleo. El software che łe xe sòite incluidare consta de na enorme difarensa de aplicazsion, cofà: server web, server de posta, server FTP, ecetera. Sensa usar termini tecnici a se aplica el łema Linux a ste últime menzsionà, anca se saría incoreto, dao che ła distribuzsion ła xe ła forma pi fazsiłe e popołar pa otener on sistema GNU/Linux.
La marca Linux (Numero de serie: 1916230) el partien a Linus Torvalds e el se definizse cofà "on sistema operatio pa pc che el fazsiłita el so uso e łe so operazsion".
Dal so łanzso, Linux el ga incrementà ła so popołarità intel mercà de servers. La so flexibiłidà ła ga permetesto chel sipia utiłizsà inte on rango ben grando, da uso personałe, a architetura, a ła organizsaxion de inpresa: personal computers, supercomputers, dispositíi portatiłi, ecetera.
I sistemi GNU/Linux łi funzsiona sora pi de 20 plataforme difarenti de hardware; tra ste chi łe pi comun łe xe cuełe de łi sistemi compatibiłi co PCs x86 e x86-64, computers Macintosh, PowerPC, Sparc e MIPS.
En pi a ghe xe łi Grupi de Usuari de GNU/Linux inte scuasi tute łe bande del pianeta.
Indice |
[modifica] Pronunzsiaxion
Linux a se pronunzsia /'lɪnʊks/ drío łe lezi de l'Alfabéto Fonètico Internazsionałe.
[modifica] Distribuzsion varie de Linux
Template:AP Na distribuzsion ła xe on s-ciapo de aplicazsion reuníe inte on grupo, na inpresa o persone, i feri de el mestier pa consomejare sistemi de pacheti de software utiłi.
A ghe xe on sbaro de distribuzsion GNU/Linux. Cada distribuzsion ła pol ver rento cualsevoja numaro de software adizsional, co anca łi softwares che i fasa pi fazsiłe ła instalazsion de el sistema. La base de el software rento cada distribuzsion el ga el núcleo Linux, ndo che de sołito a se xonta anca altri pacheti vari de software.
I feri del mestier che a se usa metare rento łe distribuzsion de sto sistema operatio łe se cata da racuante fonti, cofà el GNU e el BSD. Usualmente a se utiłizsa ła plataforma XFree86 o ła X.Org pa tegner suso el intermuso gráfeghi.
[modifica] Aplicazsion de i sistemi GNU/Linux
Co ła so adozsion (Linux) de on numaro bastansa significativo de inprese, i fabricanti de PC, racuanti computers łi xe vendesti co distribuzsion GNU/Linux pre-instałade, e Linux el ga scumizsià esar inportante en el vasto marcà de i PC.
GNU/Linux el dà na interfàcia grafega alternativa a ła tradizsionałe interfàcia de linea de comandi de Unix. A ghe xe pi de on s-ciapo de interface grafeghe, che łe xe profexionałi e che łe xe drio permetare che GNU/Linux el sipia adato cofà fero del mestier de el desktop.
Na s-cianta de distribuzsion łe fa si che el scumixio de Linux el sipia direto da on disco conpato (ciamà LiveCD) sensa modificar in asoluto el hard disk de el PC ndo che se ga Linux. Pa sto tipo de distribuzsion, in jenerałe, i archivi de someja (archivi ISO) łi xe disponibiłi in Internet pa ła so descarga.
Altre posibiłità łe xe scumixiar ła atività da na rede (ideałe pa sistemi co requisií minemi) o da on disco flexibiłe o discheto.
La majoransa de i codixi de Linux (pi de el 70%) łi xe del lenguajo C, però łi xe sta utilizsà on mucio anca altri lenguaji: C++, Bash, Lisp,Perl, Fortran e Python.
Pi o manco ła metà de el so codexe totałe (contà in linee de codixe) el xe stà łibarà baso ła łixenzsa GPL.
[modifica] Storia
La storia de Linux ła xe stà on mucio vincołà a cueła de el projeto GNU. El projecto GNU, scumixià intel 1983, el ga cofà obietivo el sviłupo de on sistema Unix conpleto conposto tuto de software łibari. Sora el 1991, cuando ła prima version de el núcleo Linux ła xe liberà, el projeto GNU nol gavea a che fare co el núcleo chel definizse on sistema operativo. Tutavia Linus Torvalds, chel jera drio studiare a ła Università de Helsinki, ga rienpío el buxo finałe chel sistema operatio GNU exijea. Daspó, meiare de programadori vołontari in volta pal mondo łi ga partexipà intel projeto, mejorandoło continuamente. Torvalds e altri de i primi vołontari de Linux i ga adatà o conponenti de GNU pa laorar co el núcleo Linux, creando on sistema operatio conpletamente funzsionałe.
Cogna mensionar che parò el núcleo de Linux nol xe parte ofixiałe de el projeto GNU.
