Linux
Wikipedia(e)tik
Linux ordenagailurako nukleo [1] libre baten izena da. Software librearen nahiz kode irekizko garapenaren adibiderik entzutetsuena da. Beste alde batetik GNU/Linux deritzoguna dago, honek kernelari eta bere aplikazioei egiten die erreferentzia eta hau da SEaren izen egokia.
"Linux" hitza zehazki Linux muinari dagokio, baina ohikoa da oro har sistema eragileari buruz hitz egitean erabiltzea, nahiz eta oso egokia ez izan. Unix antzeko sistema eragile hau GNU/Linux izenaz ere ezagutzen da, Linux muina alde batetik Linus Torvaldsek idatzitakoa, eta GNU liburutegi eta tresnak bestalde, batzen baititu. Beste hainbat programa (web zerbitzariak, programazio lengoaiak, datubaseak, GNOME edo KDE bezalako mahaigain-inguruneak eta OpenOffice.org bezalako bulegotika-suiteak) barne hartzen dituzten Linux banaketa osoei buruz hitz egitean ere maiz erabiltzen da terminoa.
GNU/Linux SEak zenbait distribuzio desberdin ditu aidib.: Debian (guztiz askea dena) [2], OpenSuSE (SuSE-ren bertsio askea), eta "SuSE" (bertsio komertziala, ez guztiz askea) , Mandriva (Free bertsioa guztiz askea, eta Powerpack bertsioak ez dira guztiz askeak) [3], Fedora Core (Red Hataren SE askea), Red Hat (enpresek eskaintzen duten GNU/Linuxetatik erabiliena)...
Distroen (distribuzioen) arteko desberdinatasunak instalatzeko era, paketatzaileak eta egia esan gutzi behiago izaten oi da. Adib.: Mandriva oso erraza da instalatzeko Debianaren alboan.
Hasiera batean programatzaile kartsu bakar batzuk garatu eta erabiltzen zuten arren, Linuxek IBM edo Hewlett Packard bezalako erraldoien laguntza bereganatu du eta gainera milaka dira SE honetan lan egiten ari direnak boluntarioki, Unix sistemaren bertsio komertzial askoren gainetik, eta Microsoft Windows sistemak hainbat eremutan zuen nagusitasunari gogor eginez. Analisten esanetan, arrakasta hori Unix komertzialen ondoan Linuxek duen hardware kostu baxuari eta abiadura handiagoari zor zaio, hala nola Windowsen aldean duen segurtasun eta fidagarritasunari, eta orobat merkea izateaz gain enpresekiko independentea delako. Berezitasun hori kode irekizko garapen-ereduari zor zaiola diote. Linuxen arrakasta ain handia izateko internet baliabidearen irteera beharrezkoa zela esan beharra dago, bestela SE hau ezin izango zen ain arin mugitu konputagailu ezberdinetatik.
[aldatu] Ikus, gainera
[aldatu] Kanpo loturak
Zientzia.net atariko artikulua: "GNU/Linux, sistema eragileen artean lehiakide ahaltsua eta librea" (2007/04/01)- Zientzia.net atariko artikulua: "Linux-ek 10 urte bete ditu" (2001/10/01)
| Unix-moduko sistema eragileak | ||
|---|---|---|
|
A/UX • AIX • BSD • FreeBSD • GNU • HP-UX • IRIX • Linux • Mac OS X • NetBSD • NEXTSTEP • OpenBSD • Plan 9 • QNX • Research Unix • SCO OpenServer • Solaris • System V • Tru64 • Xenix |
||
