Erse leid
Frae Wikipedia
The Erse leid (Erse: Gaeilge) is a Celtic leid frae Ireland. It is sib tae Scots Gaelic an is ane o the twa offeecial leids o Republic o Ireland an Northren Ireland. Frae the 1st o Januar 2007 the Erse leid becam ane o the offeecial leids o the E.U. The Erse spak in Donegal is the nearest tae Scots Gaelic, but ither dialects isna sae eith tae lift for Scots Gaelic spickers.
The airts whaur Erse is still spak for common bi fowk is thegither cried the Gaeltacht. It is sindry bits o the kintra, whiles juist a single clachan, skailt athort sieven coonties - Donegal an Galway (the twa wi the maist), Mayo, Kerry, Cork, Waterford, an Meath. There's a wee pairt o Belfast whaur mony fowk spicks Erse an aw.
