Scots Gaelic leid
Frae Wikipedia
 |
The facts o this airticle is in dout. Tak a keek at the collogue page. |
The Scots Gaelic leid (Gàidhlig) is a Goidelic, Celtic leid an ane o the aulder leids o Scotland.
It is a Q-Celtic leid that's spak in the northren pairt o Scotland (the Hielands an Islands ), an abreed in Canadae (Cape Breton Island, Nova Scotia). It is sib tae the Erse an the Manx Gaelic, an tae the Welsh, Cornish an Breton forby.
It wis spak in maist o the Lawlands an aw, as can be seen by literature an place names:
- Buchan - Buik o Deer, auldest beuk in the Scots Gaelic
- Caithness - The Caithness book
- Gallowa & Ayrshire - Robert the Bruce an Walter Kennedy baith spak Scots Gaelic.
- Glesca - "Auchenshuggle", "Govan", "Drumchapel" etc. aw cam fae Scots Gaelic an aw. Glesca still haes a michty community the day o Gaels that speaks the Gaelic, an is hame tae the first Gaelic medium Secondary School.
[edit] History
There wis a kinrick in Ulster haurd forenenst the coast richt alang by the Giant's Causey cried Dalriada wi a wheen o warriors cried the Scots. If ye leuk at the auld cairts ye'll see the Scots in Ireland an the Pechts in Scotland.
The Scots invaded an settlet in Argyll an brocht thair leid wi them. The Gaelic leid replaced the Pechtish leid athort Scotland wi the help o the Gaelic speaking kirk an the unification o Scotland. (See History o Scotland forby}
The first translate o the Bible intae Scots Gaelic wisna makkit til 1767 whan Dr James Stuart o Killin an Dugald Buchanan o Rannoch shapit a translate o the New Testament. Gey few European leids hae makkit the transition tae a modren leeterar leid athoot an early modren translate o the Bible. Gaelic no haein sic a translate til the late aichteent century nae doubt contributed tae the decline o Scots Gaelic.
[edit] Relation tae ither leids
Scots Gaelic is gey close tae Erse an Manx, the ither Goidelic leids an is sometimes e'en mutually inteligible tae ilka ither.
The Pechts wis in whit is nou Scotland lang afore the Scots or Scotland, an acause o this Scots Gaelic haes some o thair tongue in it. Wirds the likes o "Ben" (Head/Peak) an "Aber" (Gub o a muckle river) gies us a keek at whit the aulder leid o Scotland. Ben an Aber is niver foond in the Erse but are in the Welsh, Cornish an Breton forby.
