Scola Siciliana
Di Wikipedia, la nciclupidìa lìbbira.
La Scola Siciliana fu na scola puètica ca ciurìu 'n Palermu ntra lu 1230 e lu 1250, duranti lu regnu di Fidiricu II di Hohenstaufen di Svevia (Fidiricu I di Sicilia, 1194-1250), lu niputi di Barbarossa, stupor mundi (miravigghia dû munnu). [1]
La Scola Siciliana havi na granni mpurtanza nta la storia di la littiratura pirchì cu idda, pi la prima vota, si usau lu vulgari a scopi littirarî. Ereditò li tradizzioni puètichi pruvenzali, affinànnuli, pi sviluppari la prima lingua littiraria taliana. La lingua siciliana, usata ntâ Scola Siciliana di li Siciliani e di li nun-Siciliani, fu la prima lingua scritta dî lingui vulgari latini di l'Italia, capaci di esprìmiri tutti l'emuzzioni umani.
L'àutra cosa ùnica di sta "scola" è lu fattu ca cumprinnìu nun sulu li nòbbili, ma puru giuristi, funziunarî e mpiati dû regnu (viditi sutta).
La puisìa dâ scola è quasi sclusivamenti d'amuri, siguennu li mutivi dâ puisìa pruvenzali. Sta scola littiraria appi na granni nfluenza supra Dante Alighieri, tantu c'assai studiusi chiàmanu lu sicilianu comu "patri dâ lingua taliana", cu l'idioma tuscanu facennu di "matri".
Ìndici |
[cancia] Principali autura
La Scola Siciliana fu na scola ricca di autura; puru Federicu II e li sò figghi Enzu e Manfredi scrìssiru puisìi.
Li principali autura foru [2]:
- Giàcumu da Lintini
- Ciullu d'Àlcamu
- Stefano Protonotaro
- Pier delle Vigne
- Rinaldo d'Aquino
- Guido delle Colonne
- Odo delle Colonne
- Giacomino Pugliese
- Jacopo Mostacci
- Mazzeo di Ricco
- Fidiricu II di Hohenstaufen
- Enzu di Sardegna
- Manfredi di Sicilia
[cancia] Asempiu
Lu Re Fidiricu nun era sulu lu sustinituri dâ scola, ma puru iddu scrivìu li puisìi d'èbbica, comu st'asempiu (pi tuscanu)[3]:
- Poi che to piace, Amore,
- che eo deggia tovare,
- faronne mia possanza
- ch'io vegna a compimento.
- Dat'aggio lo meo core
- in voi, madonna, amare,
- e tutta mia speranza
- in vostro piacimento.
[cancia] Umaggiu
Lu CD 'E vinniru du mari..Federicu' (2004 du gruppu musicali sicilianu Taberna Mylaensis è na ricerca e n'umaggiu â Scola Puètica Siciliana.
[cancia] Rifirimenti
- ↑ Arba Sicula, Volumi XVI, Numira 1 & 2, Primavera & Autunnu, 1995.
- ↑ Arba Sicula, Volumi XVI, Numira 1 & 2, Primavera & Autunnu, 1995.
- ↑ Dieli, Art, Federicu II, SicilyPage, taliatu lu 6 di giugnu, 2008
