Giuseppi Tomasi di Lampedusa
Di Wikipedia, la nciclupidìa lìbbira.
Giuseppe Tomasi di Lampedusa, scritturi sicilianu nasciu lu 23 di dicèmmiru 1896 a Palermu di n'antica famigghia di l'aristocrazzia. È canusciutu pi lu sò romanzu, Il Gattopardo, ca nisciu postumu ntô 1958. Nta nu stili eleganti, discrivi la dicadenza di lu regnu borbonicu e la vinuta di l'italiani n Sicilia a capu di Garibbaldi. La storia d'ispirazzioni autobbiografica, cunta di don Fabrizziu, di sò niputi Tancredi e di l'entusiasmu dî giovani ginirazzioni; Tancredi si iunci ê Garibbaldini e diventa na pirsuna mpurtanti. Nonostanti l'origgini nobbili si spusa ccu Angelica, la figghia di un borghesi.
Lu romanzu fu misu in scena di Luchino Visconti, nta un film, cu Burt Lancaster, Alain Delon e Claudia Cardinale ca appi nu successu nternazzionali.
Giuseppe Tomasi di Lampedusa era na pirsuna assai risirvata e a parti cocchi participazzioni a avvinimentu littirariu, prifiriva ristari tranquillu 'n casa a leggiri. Muriu ntô 1957. Ntô 1959 fu lu vincituri postumu dû Premiu Strega.
