Padena
Un article de Wikipèdia, l'enciclopèdia liura.
- Pels articles omonims, vejatz Padena (omonimia).
.jpg/225px-Pfanne_(Edelstahl).jpg)
Una padena o padèla (reg. padèra, paila) o sartan es una aisina de cosina, utilizada per fregir, generalament dins d'òli o de burre. Es constituida d'un recipient metallic de bòrds bas e dobèrts amb una ponhada generalament de plastic (baquelita) per l'agantar. A l'ora d'ara son sovent cobèrtas de teflon antiaderent, que facilita fòrça la coiseson o la fregidura dels aliments.
Los materials mai comuns de fabricacion de padenas son:
- Alumini. Es un material leugièr que permet una distribucion optimala de la calor. Ça que la, es pas indicat per la cosina d'induccion.
- Acièr sens aliatge. Es apropriat per totes tipes de cosinas.
- Acièr inoxidable. Pòt presentar de problèmas per las cosinas d'induccion.
Tradicionalament en Occitània e en Catalonha se fan a la tardor (per Totsants) de brasucadas de castanhas o castanhadas. Per aquelas castanhadas, s'utiliza un tipe de padenas especialas apeladas "risolièiras" que son traucadas e amb un margue long, per tal de poder far graselhar las castanhas sus un fuòc de lenha.
