Eclesiastès
Un article de Wikipèdia, l'enciclopèdia liura.
L'Eclesiastès (en ebrieu: קהלת Qohèlet 'congregador'), tanben conegut coma Libre del Predicador, es un libre del Tanakh e de l'Ancian Testament de la Bíblia crestiana, del grop apelat sapiencial o didactic o Ketuvim.
Es una colleccion populara de leis e provèrbis que serviguèron de guida als josieus. Lo libre de l'Eclesiastès se trapa dins d'òrdre desparièr dins lo Tanakh e dins la Bíblia crestiana. Es escrich en primièra persona e lo narrador ditz qu'es un dels reis d'Israèl, doncas son identitat es encara uei dobtosa: podriá èsser lo rei Salamon o un escrivan de David. Es l'un dels libres mai citats de las Sagradas Escrituras.
[Modificar] Nom del libre
Eclesiastès es pas un nom pròpri senon un títol que s'atribuís l'autor el-meteis. Lo nom ebrieu del libre, Qohèlet deriva de qahal (קהל, 'congregacion', 'public') o lo que parla a l'assamblada de fidèls" (en latin, ecclesia) o "predicador". Coneissèm aquela foncion religiosa per son nom latin Eclesiastès.