Tambov oblast

Frå Wikipedia – det frie oppslagsverket

Tambovskaja oblast


Tambov oblast sitt flagg	Tambov oblast sitt våpen

Hovudstad

Tambov

Areal

- Totalt
- % vatn

Rangering: 63.

34 462 km²
0,2

Innbyggjartal

- totalt
- folketettleik

Rangering: 46.

ca. 1 117 100 (2007)
ca. 32,4/km²

Føderalt distrikt

Sentrale

Økonomisk region

Sentrale Svartjord

Regionsnummer

Offisielt språk

Russisk

Guvernør

Oleg Ivanovitsj Betin

Nasjonalsong

Prosjtsjanije slavjanki

Tidssone

UTC +0300

Tambov oblast, (russisk Тамбовская область) er ein provins i Russland og eit av føderasjonssubjekta i den russiske føderasjonen. Hovudstaden er Tambov, arealet er 34 462 km² og innbyggjartalet er 1 117 100 (2007).

[endre] Geografi

Elva Tsna renn gjennom byen Tambov.

Tambov oblast ligg sentralt på den aust-europeiske sletta, søraust for Moskva. Landskapet er hovudsakleg flatt, høgste punktet ligg 214 meter over havet. Om lag 10 % av området er skogkledd. Middeltemperaturen er -10 grader celsius i januar og 20 grader celsius i juli. Det fins ikkje nevneverdige naturressursar i provinsen. Elvene Tsna, Vorona og Lesnoj Voronezj renn gjennom området.

[endre] Demografi

Det store fleirtalet av folket i provinsen er etniske russarar. Ved folketeljinga i 2002 var den etniske fordelinga:

Russarar: 96,5 %
Ukrainarar: 0,9 %
Armenarar: 0,4 %

Som i Russland som heilskap går folketalet i Tambov oblast òg nedover, og har minka med 15,1 % sidan 1989:

1989: 1 315 300
2002: 1 178 443
2007: 1 117 100

57,6 % av folket bur i byar. Den einaste større byen er Tambov, med 287 200 ibuarar. ⁽²⁰⁰⁵⁾

[endre] Historie

Dei første folkeslaga som er kjent i området som no er Tambov oblast var tyrkiske folkeslag og mordvinar. På 1200-talet vart området underlagt det mongolske riket, og vart etter kvart del av riket til Den gylne horden. På 1500-talet byrja russarar å slå seg ned i området. På 1600-talet vart det bygd festningar her, Kozlov i 1635 og Tambov i 1636, for å verna storfyrstedømet Moskva mot åtak frå krimtatarane og nogaiane i sør. Dette gjorde at folkesetjinga av området med russiske nybyggjarar auka på. Frå 1779 var byen Tambov senter for ein eigen provins.

Under den russiske revolusjonen kom området under Sovjetmakta i januar 1918. I 1920-1921 vart alvorlige bondeopprør i provinsen slått ned av Den raude arméen.

Tambov oblast vart oppretta som eigen provins den 27. september 1937.

[endre] Politikk

Oleg Betin har vore guvernør i Tambov oblast sidan 1999, då han slo den sitjande kommunistiske guvernøren Aleksandr Rjabov. Ved valet til provinsforsamlinga i 2005 kom tre parti over sperregrensa på 7 %: