Tee
Vun Wikipedia
Tee is en Opguss vun bestimmte Bläder mit hitt Water. In den engeren Sinn sünd dat meist de Bläder vun den Teestruuk oder Teeboom. De gröön Tee warrt vun de Bläder vun de Teeboom maakt. Wenn de Bläder fermenteert sünd, denn gifft dat den swarten Tee. De swarte Tee warrt faken ok noch aromatiseert. En bannig bekannt Sort is de Earl Grey, de hett dat Aroma vun Bergamotte kregen. Dat gifft man noch de bekanntsten Sorten Broken Orange Pekoe, Ceylon, Assam un Darjeeling. Ceylon, Assam un Darjeeling sünd nöömt achter ehr Anburebeet. Dat gifft ünnerscheedlich Wiesen swarten Tee to drinken: Swart (mit nix drin), mit Kandis oder anner Zucker, mit Rum, mit Melk oder mit Krem. Dat gifft aver ok Krütertee ut Krüterbläder un Früchtetee mit dat Aroma von Frücht. Anners gifft dat noch Iestee, dat is swarten Tee, den een koolt maakt hett. Dat smeckt best mit Ies.
Tee wurd besünners veel in Oostfreesland drunken.