Landkreis Soltau-Fambossel
Vun Wikipedia
| Wappen | Karte |
|---|---|
 |
 |
| Grunddaten | |
| Bundsland: | Neddersassen |
| Kreisstadt: | Bad Fambossel |
| Flach: | 1.873,5 km² |
| Inwahners: | 142.678 (31. Dezember 2005) |
| Inwahnerdicht: | 76,2 |
| Kreisslötel: | 03 3 58 |
| Kfz-Kennteken: | SFA |
| Updeelen: | 23 Gemenen |
| Adress vun’n Kreisverwalten: |
Vogteistraße 19 29683 Bad Fallingbostel |
| Websteed: | www.soltau-fallingbostel.de |
| Landraat: | Manfred Ostermann |
| Koort | |
 |
|
De Landkreis Soltau-Fambossel is en Landkreis in’n Naturpark Lünborger Heid in’n Noordoosten vun Neddersassen. De Kreiststadt is Bad Fambossel un de gröttste Stadt in’n Kreis is Walsrood. Soltauu-Fambossel grenzt an düchtig veele annere Landkreisen an: In’n Westen leegt de Landkreisen Veern un Rodenborg (Wümm), in’n Noorden de Landkreisen Horborg un Lünborg un in’n Oosten de Landkreisen Uelzen un Cell. In Süüden slutt de Landkreis Nienborg an un en lütt Stück vun de Region Hannober. De Landkreis warrt faken ok as Heidkreis betekent, vun wegen de regional Weertsschap.
Inholtsverteken |
[ännern] Geologie
| Översicht Geoloogsch Tieten | ||
|---|---|---|
| Ära/Eerdtietöller | Periood | Ma |
| Känozoikum Eerdneetiet |
Neogen | 23,03 |
| Paläogen | 65,5 | |
| Mesozoikum Eerdmiddelöller |
Kried | 145,5 |
| Jura | 199,6 | |
| Trias | 251,0 | |
| Paläozoikum Eerdfröhtiet |
Perm | 299,0 |
| Karbon | 359,2 | |
| Devon | 416,0 | |
| Silur | 443,7 | |
| Ordovizium | 488,3 | |
| Kambrium | 542,0 | |
| Präkambrium bargt all fröhere Tieten. |
||
Noorddüütschland is geoloogsch vör ungefäähr 600-500 Miliionen Johren tostannen kamen in’t late Proterozoikum, wat to dat Präkambrium rekent warrt. De Landmass, de vundaag Noorddüütschland billt, leeg to de Tiet noch in deepe süüdliche Breden an’n Noordrand vun den Superkontinent Gondwana. De is later twei broken in en Tall vun lüttere un gröttere Lithosphärenplatten. En vun de lütteren Platten, de vun de Wetenschopplers Avalonia nöömt warrt, is na Noorden dreven, wo se in’n Silur vör ruch weg 450-420 Millionen Johren mit den ureuropääschen Kontinent Baltika tohopenstött is. De Kollision hett de Kaledonisch Bargenbilln na Oosten hen wieter maakt, de dorvör al in’n Noorden anfungen harr nu vör ungefäähr 410 Mio. Johren wedder ophöört hett. Wietere Mikroplatten hebbt sik in’t Karbon vör üm un bi 300 Mio. Johren vun Süden her anlagert un dorbi de Variskisch Bargenbilln veroorsaakt. De Resten dorvun billt vundaag de middeldüütschen Bargen.
De Landkreis Soltau-Fambossel liggt nöördlich vun de noordvarisk’schen Deformatschoonsfront op dat Lüünborg Massiv, dat to Avalonia höört un domit en Stück vun dat öllere Europa (Paläo-Europa) dorstellt. De süüdööstliche Deel dorvun raakt jüst so even an de Deformatschoonsfront an. Dör dat Inwarken vun tektonische Kräft is Avalonia later afsackt un hett in’n Perm dormit Ruum geven för en wiet Meerrebeet, dat bit wiet na Middeleuropa vördrungen is. To disse Tiet sünd de Soltvörkamen (Zechsteen) billt worrn, de in’n ganzen Noordddüütschen Ruum un ok ünner de Lünborger Heid to finnen sünd.
Dat Noorddüütsch Becken, as dat Rebeet bit to de Middelbargen ok nöömt warrt, hett sien geografsche Laag in de nafolgend Johren nich mehr ännert, is aver en poor mol anböhrt un wedder afsackt worrn. Vundaag is dat Noorddüütsch Becken mit düchtig veel fast worrn Sediment opfüllt, worut vörmols de Kaledoonsch Bargens bestahn hebbt, de denn aver dör Erosion afdragen worrn sünd. Vun de Bargens is hüüt nix mehr to sehn, man op disse Oort un Wies is de Noorddüütsch Becken bit to 10 km dick mit Sedimentiten un Sedimenten füllt [1],[2].
[ännern] Geografie
De Landkreis Soltau-Fambossel wartr landschopplich bestimmt dör de Lünborger Heid, de meist dat hele Rebeet vun den Kreis ümfaat. De süddliche Deel warrt mehr dör den Veehbrook präägt, wat vör allen ut Veehweiden un Wischen besteiht. Vörmols weer dat en teemlich moorig Rebeet, wat sien anfänglich Charakter dör en düchtig Drinkwaterverbruuk verloren hett. Deele dorvun sind vundaag wedder in’n oorsprünglichen Tostand.
In’n Landkreis Soltau-Fallingbossel gifft dat de nafolgend Strööm: Aller, Böhme, Bomlitz, Grindau, Wiedau, Leine, Örtz un Wümm.
[ännern] Historie
De Landkreis Soltau-Fambossel is an’n 1. August 1977 ut de ollen Landkreisen Fambossel un Soltau tohopenföhrt worrn. De eersten Johren vun den Landkreis weern bestimmt dör de groten Truppenöövsteden vun de Britschen Rhienarmee, vun de NATO un vun de Bundswehr un dat Bestreven vun’n Landkreis, mööglichst veel Flachen för den Tourismus apen to maken. In dat Rebeet vun de Lünborger Heid warrt neemlich veel wannert un Utfohrten maakt. Na’t End vun Kolen Krieg sünd eenige Öövsteden dicht maakt worrn, de nu vundaag as apenlich Naturschuulrebeden togänglich sünd, man in Munster un Bad Fambossel gifft dat ok hüüt noch grote Garnisonen.
[ännern] Weertschap
De Tourismus is in de Lüünborger Heid en wichtig Weertschapsrebeet un Born för Innahmen, de t. ok dör Deer- un Freetietparks as de Heid-Park in Soltau, den Serengiti-Park in Hodenhagen oder den Vagelpark Walsrood föddert warrt. De Strööm sünd egent to’n Angeln oder Swimmen oder för Kanu- un Flottföhren. De Heidlandschap is en fein Rebeet to’n Wannern oder för Utfohrten mit dat Fohrrad.
[ännern] Verkehr
Dör dat Kreisrebeet loopt twee Autobahnen. Dat en is de bedüden Noord-Süüd-Verbinnen vun Hamborg na Hannober, de A 7. Dat annere is de A 27, de an’t Autobahndreeeck Walsrood anfangt un denn na Bremen föhrt.
Bedüdend Iesenbahnstrecken sünd de „Amerikalien“ Bremen – Soltau – Uelzen un de „Heidbahn“ Hamborg – Bookholt in de Noordheid – Soltau – Bennemöhlen – Hannober.
[ännern] Religion
Dat Rebeet vun’n Landkreis is ut de Traditschoon her evangelsch-luthersch bestimmt. De Gemenen höört to de Landskark Hannober. Sünners na den Krieg hebbt sik dör de totogen Gastarbeiters, de Heimatverdrevenen un Utsiedlers ut de Oosteuropääsch Länner gröttere kathoolsche Gemenen billt, de dat Bisdom Hilmessen anhöört. Vun wegen de groten Tall vun Lüüd, de ut de Karken rutgahn sünd, ünnerleegt beid Karken en Wannel in jemehr Strukturen. Wietere Glovensgemenen in’t Kreisrebeet sünd de Muslimen as ok Liddmaten vun Freekarken un de Tügen vun Jehova.
[ännern] Kultur
Üm de kulturellen Inrichten vun’n Landkreis kümmert sik de Lünborgsche Landschapsverband, de as indragen Vereen dorvör grünnt worrn is.
[ännern] Städer un Gemenen
(Inwahnertallen vun’n 30. Juni 2006)
Eenheitsgemenen
|
|
Samtgemenen mit jemehr Liddmatengemenen
Sitt vun de Samtgemeenverwalten *
|
|
gemeenfree Bezirk
- Oosterheid [Sitt: Oerbke] (829)
[ännern] Literatur
- Gernot Erler u. Kurt Brüsehoff: 10 kunst- und kulturgeschichtliche Exkursionen im Landkreis Soltau-Fallingbostel. (Rgv.: Landkreis Soltau-Fallingbossel), o.O. o.J. [ca. 1981], 147 S.
[ännern] Bornen
- ↑ Schönenberg, R. & Neugebauer, J., Einführung in die Geologie Europas, Rombach Wissenschaft, 7. Opl. Freiburg 1997
- ↑ Wölbern, I., Verifizierung krustenbedingter Einflüsse auf Laufzeitresiduen von Erdbebenwellen anhand von Daten aus dem TOR-1-Projekt, Diplomarbeit, Chrisian-Albrechts-Universität, Kiel 1999
