Hannober

Vun Wikipedia

Wapen	Loog

Basisdaten
Land:	Neddersassen
Landkreis:	Region Hannober
Flach:	204,14 km²
Inwahner:	517.251 (30.09.2007)
Minschen:	2.534 Inwahner je km²
Postleitzahl:	30001-30669
Telefoon:	0511
Autokennteken:	H
UN/LOCODE:	DE HAJ
Adresseren der Stadtverwalten:	Trammplatz 2 30159 Hannover
Website:	www.hannover.de
Politik
Oberbörgermeister:	Stephan Weil (SPD)
Regierende Parteien:	Koalitschoon ut SPD un Bündnis 90/Die Grünen
Stadtrat: (65 Sitze)	SPD: 27 Stohl CDU: 20 Stohl Bündnis 90/Die Grünen: 9 Stohl FDP: 4 Stohl DIE LINKE./DAS LINKSBÜNDNIS: 2 Stohl Hannoversche Linke: 2 Stohl Wählerbündnis WfH: 1 Stohl

Hannober (hoochdüütsch: Hannover) is de Landshööfdstadt vun Neddersassen, an de Leine un an’n Maschsee, mit bi 500.000 Inwahners. Hannober is Seet vun’n Landkreis Region Hannober.

Hannober is mehrfach Hoochschooloort: Hier sünd blangen de Universität Hannober de Medizinsche Hoochschool Hannober, de Musikhoochschool Hannober, de Veehdokter-Hoochschool Hannober un de Fachhoochschool Hannober.

In Hannober warrt elk Johr dat gröttste Schüttenfest op de Eer fiert.

Hannober is de Seet vun de Evangeelsche Kark in Düütschland. Dat is nich all, wiels hier ok Nichchristen stark vörhannen sünd: Vör den Krieg weer Hannober ene vun de twee groten düütschen Städer mit över twee Perzent freereljöse Lüüd in Düütschland, de anner weer Meideborg. Vundaag sünd vele Lutheraner in disse Stadt mit Russ’sch as Moderspraak.

Vundaag hett Hannober Leipzig as Partnerstadt. Hannober hett een vun de gröttsten Messen op de Eer. Dat Messegelände is dat gröttste op de Eer. Hannober is de Stadt, wo de vörmalsche Bundskanzler Gerhard Schröder leevt. Hannober, siet mehr as 100 Johr ene bannig starke SPD-Stadt, hett in sien Historie keen CDU-Böverbörgermeester hatt.

Beröhmte Lüüd ut de Stadt weern to’n Bispeel de Philosoph Gottfried Wilhelm Leibniz, de Schauspeler August Wilhelm Iffland un de Schriever Frank Wedekind, de Astronomen Wilhelm un Caroline Herschel, de dadaistisch Maler Kurt Schwitters, Benno Ohnesorg un de SPD-Politiker Egon Franke.

De Vorwärts, dat Zentralorgan vun de SPD, wörr hier na den Tweten Weltkrieg grünnt. Hannober is ok en Deel vun Neddersassen, de Deel, wat inst dat Königriek Hannober weer. Dat Königshuus Hannober weer denn ok in England an de Macht.