വിന്സന്റ് വാന്ഗോഗ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
വിന്സെന്റ് വില്ലെം വാന്ഗോഗ്, അഥവാ വിന്സെന്റ് വാന്ഗോഗ്, (മാര്ച്ച് 30, 1853 - ജൂലൈ 29, 1890) ഒരു ഡച്ച് ചിത്രകാരനായിരുന്നു. (വാന്ഘോഘ് എന്നാണ് ശരിയായ ഉച്ചാരണം)
പല ജോലികളും ചെയ്യാന് ശ്രമിച്ച് പരാജയപ്പെട്ട വാന്ഗോഗ് ഒരു ചിത്രകാരനാവാന് തീരുമാനിച്ചു. വാന്ഗോഗ് തന്റെ സഹോദരനായ തിയോയും ഒത്ത് പാരീസിലേക്ക് താമസം മാറി. തിയോ ഒരു ചിത്രം വില്പ്പനക്കാരനായിരുന്നു. ഇവര് അന്നത്തെ പല പ്രശസ്ത ചിത്രകാരന്മാരെയും പരിചയപ്പെട്ടു. ഈ ചിത്രകാരന്മാര് വാന്ഗോഗിനെ സ്വാധീനിക്കുകയും സഹായിക്കുകയും ചെയ്തു. തന്റെ ജീവിതകാലത്ത് വാന്ഗോഗ് തിയോയ്ക്ക് പല കത്തുകളും അയച്ചു. തിയോ ഈ കത്തുകള് എല്ലാം സൂക്ഷിച്ചുവെച്ചു. ഈ കത്തുകളില് വാന്ഗോഗ് ജീവിതത്തെയും കലയെയും കുറിച്ചുള്ള തന്റെ ശക്തമായ വികാരങ്ങള് പ്രകടിപ്പിക്കുന്നു.
വാന്ഗോഗ് ആര്ലെസ് എന്ന പട്ടണത്തിലേക്ക് താമസം മാറ്റി. അവിടെ പോള് ഗോഗിന് എന്ന ചിത്രകാരനുമൊത്ത് വാന്ഗോഗ് താമസിച്ചു. ഇവര് സ്ഥിരം ശണ്ഠകൂടുമായിരുന്നു. ഇതിനു പിന്നാലെ വാന്ഗോഗ് തന്റെ ചെവിയുടെ ഒരു ഭാഗം മുറിച്ച് ഒരു വേശ്യക്ക് അയച്ചുകൊടുത്തു. മാനസിക രോഗങ്ങള് കൂടിയിട്ട് വാന്ഗോഗിനെ ഒരു ഭ്രാന്താലയത്തില് പ്രവേശിപ്പിക്കേണ്ടി വന്നു. 18 മാസത്തിനു ശേഷം വാന്ഗോഗ് ഒരു തോക്കുകൊണ്ട് വെടിവെച്ച് ആത്മഹത്യക്കു ശ്രമിച്ചു. രണ്ടു ദിവസത്തിനു ശേഷം വാന്ഗോഗ് മരിച്ചു. തിയോ തന്റെ സഹോദരന്റെ മരണത്തില് വളരെ ദു:ഖിച്ചു. ദു:ഖത്താല് രോഗബാധിതനായ തിയോ ആറു മാസത്തിനു ശേഷം മരിച്ചു.
തന്റെ ജീവിതകാലത്ത് വാന്ഗോഗ് ഒരു ചിത്രം മാത്രമേ വിറ്റിട്ടുള്ളൂ. അതും വളരെ ചെറിയ ഒരു തുകയ്ക്ക്. പക്ഷേ ഇന്ന് വാന്ഗോഗിന്റെ ചിത്രങ്ങള് ലോക പ്രശസ്തമാണ്. ലോകത്തിലെ ഏറ്റവും വിലപിടിപ്പുള്ള ചിത്രങ്ങളില് പലതും വാന്ഗോഗ് ചിത്രങ്ങളാണ്.
[തിരുത്തുക] മറ്റ് വെബ് വിലാസങ്ങള്