Винсент ван Гог

Од Википедија, слободна енциклопедија

Оваа статија за холандски или фламански сликар е никулец. Можете да помогнете со тоа што ќе ја проширите.

Автопортрет (1887)

Винсент ван Гог слушнете (помош·инфо) (30 март, 1853, Зундрат - 29 јули, 1890, Овер-сур-ој) бил холандски технички илустратор и пост-импресионистички сликар. Меѓу неговите слики и цртежи се наоѓаат едни од најпознатите, најпопуларните и најскапите дела. Дел од неговата популарност се должи на фактот дека тој е симбол на осамен и измачен боем. И покрај тоа што Винсент имал неколку романтични врски, тој никогаш не се оженил и немал деца. Дури и луѓето кои не ги познаваат неговите уметнички дела обично знаат дека тој си го отсекол увото. Од таа причина многу сметаат дека Винсент се има самоубиено бидејќи неговата уметност не била признаена. Токму спротивно, во реалноста и покрај тоа што Винсент понекогаш навистина имал ментални проблеми, пред да се самоубие, тој сепак добил мошне позитивни критики од некои радикални критичари како и од сродни авантгардни уметници. За чудо, позитивните критиките се смета дека го правеле уште потажен.

Додека бил млад, Ван Гог работел во Англија, Холандија и Белгија како трговец на уметнички дела, наставник и свештеник. Тој започнал вистински да слика дури во 1880 година и сликал само десет години. Неговите први слики биле насликани со тажни бои, но, откако во Париз се запознал со импресионизмот и нео-импресионизмот, неговиот стил нагло се развил и созреал. Сите негови дела (околу 900 слики и 1100 цртежи) ги има насликано за време на последните десет години од неговиот живот додека најголемиот број на неговите најпознати дела во последните две години од неговиот живот. Само во последните два месеци од неговиот живот успеал да наслика девеесет слики. По неговата смрт, славата на Ван Гог полека почнала да расте. Во голема мерка помогнала промоцијата на женатата на неговиот починат брат.

И покрај тоа што Ван Гог бил самоук, неговото творештво било мошне иновативно уште од самиот почеток. Кога почнал да работи како технички илустратор за илустрирани списанија, неговиот стил веќе бил неконвенционален. Истото се случило подоцна кога почнал да се занимава повеќе со сликарство. Ниту првичното творештво во стил на реализмот и холандската традиција, ниту пак подоцната импресионистичка фаза не довеле до дела според тогашните сфаќања и очекувања. Во најдоцната фаза на неговото творештво, неговиот стил уште повеќе се радикализирал. Тој почнал да користи авантуристички и често извртен стил со испрекинати линии. Боите кои што ги користел бил силни, но, внимателно избрани. Во 1890, годината кога починал, Ван Гог го достигнал зенитот на своето творештво. Тој постанал пионер на стилот што денес го викаме експресионизам и со него има извршено огромно влијание врз уметностата на 20-иот век, особено на фовистите и германскиот екпресионизам а со тоа и врз апстрактниот експресионизам на Вилем де Конинг и британскиот сликар Френсис Бејкон.

Во животот на Ван Гог централна личност преставувал неговиот брат Тео. Тео работел како трговец на уметнички дела и континуирано и несебично го подржувал финансиски својот брат. Нивното блиско пријателство е документирано со помош на многуте писма кои си ги имаат разменето од 1872 година до смртта на Винсент. Во 1914 година, Јохана ван Гог-Бонгер, жената на Тео, за прв пат ги објавила нивните писма.