Википедија:Услови на употреба

Од Википедија, слободна енциклопедија

ВИКИПЕДИЈА НЕ ДАВА ГАРАНЦИЈА ЗА ВЕРОДОСТОЈНОСТ!!

Википедија е онлајн енциклопедија која се базира на отворена содржина и соработка, тоа значи, доброволно здружение на поединци и групи кои развиваат заеднички ресурс на човечкото знаење. Структурата на проектот му овозможува на секој со Интернет конекција и со WWW прелистувач да ја измени нејзината содржина. Ве молиме, имајте во предвид дека материјалите што можат да се најдат овде не секогаш се прегледани од професионалци со потребна стручност за да ви обезбедат целосна, точна и релевантна информација.

Тоа не значи да се каже дека нема да најдете вредна и точна информација во Википедија; најголемиот дел од времето ќе најдете. Како и да е, Википедија не може да гарантира за веродостојноста на информацијата што може да се најде овде. Содржината на било која статија може скоро да била променета, вандализирана или изменета од некој чие мислење не кореспондира со нивото на знаење за односното поле на интерес.

[уреди] Без формална рецензија

Ние работиме на начини за одбирање и истакнување на релевантни верзии на статиите. Нашата активна заедница на уредници користи алатки како што се страниците Специјални:Скорешни промени и Специјални:Нови страници за да се набљудува новата и изменетата содржина. Но, Википедија не униформно рецензирана; и покрај тоа што читателите може да поправаат грешки или да се вклучат во неформално рецензирање (на англиски), тие немаат правна обврска да го прават тоа, што значи дека сите информации што можат да се прочитаат овде се било каква имплицитна гаранција за подобност на користење за било што. Дури и статиите се избрани преку неформална рецензија како одбрани статии (на англиски) може понатаму да бидат уредувани несоодветно, токму пред вие да ги видите.

Никој од авторите, соработниците, спонзорите, администраторите, системските оператори, или било кој поврзан со Википедија, во било кој случај не може да биде одговорен за појавата на неточна информација или клевета или пак за вашата употреба на информациите содржани или поврзани од овие веб страници.

[уреди] Без договор; ограничена лиценца

Ве молиме осигурајте да разберете дека информациите што можат да се најдат овде се обезбедени слободно, и дека не е создаден никаков договор помеѓу вас и сопствениците на ова веб-место, сопствениците на серверите на кои тој е хостиран, поединечните соработници на Википедија, администраторите на проектите, системските оператори или било кој кој е на било каков начин поврзан со овој проект или сродни проекти кој е подложен на вашите тврдења помеѓу нив директно. На вам ви е овозможена ограничена лиценца да копирате било што од ова веб-место; тоа право не создава или имплицира никаква договорна или вондоговорна одговорност на страната на Википедија или било кој од нејзините агенти, членови, организатори и други корисници.

Не постои договор или согласност помеѓу вас и Википедија, што се однесува на вашата употреба или модификација на овие информација покрај ГНУ Лиценца за слободна документација (GNU Free Documentation License (GFDL)); ниту пак било кој од Википедија е одговрен ако некој ги промени, уреди, модификува, или тргне информациите што може ќе ги постирате на Википедија или било кој од нејзините поврзани проекти.

[уреди] Трговски марки

Било која од трговските марки, услужните марки, колективните марки, правата на дизајнот, личните права или слични права што се споменати, искористени или цитирани во статиите на енциклопедијата Википедија се сопственост на нивните соодветни сопственици. Нивната употреба овде не значи дека може да ги користите за било каква намена надвор од истата или сличната информативна употреба како што е наведено од страна на оригиналните автори на овие Википедија статии под GFDL лиценцната шема. Доколку не е поинаку нагласено, веб-местата Википедија и Викимедија не се одобрени или поврзани со сопствениците на било кои слични прави и поради тоа Википедија не може да дозволува било какви права на употреба на различно заштитени материјали. Вашата употреба на било која таква или слична инкорпорирана сопственост е на ваш сопствен ризик.

[уреди] Јурисдикција и легалност на содржината

Објавувањето на информација што може да се најде на Википедија може да биде некакво прекршување на законите на земјата од каде што ја гледате оваа информација. Базата на податоци на Википедија се наоѓа на сервер во државата Флорида во Соединетите Американски Држави, и е одржувана во согласност на заштитата овозможена под локалниот и федералниот закон. Законите во вашата земја или јурисдикција може да не ги заштитуваат или дозволуваат истите начини на говор или дистрибуција. Википедија не го охрабрува кршењето на било кои закони; и не може да биде одговорна за било какви прекршувања на такви закон, ако линкувате до овој домен, или ги користите, репродуцирате или реиздавате информациите содржани овде.

[уреди] Без професионален совет

Доколку ви треба специфичен совет (на пример, лекарски, правен, финансиски, или ризик менаџмент) ве молиме побарајте професионалец и запознаен со таа област. Видете Википедија:Користењето на Википедија е на сопствен ризик (на англиски), Википедија:Википедија не дава медицински совети (на англиски), и Википедија:Википедија не дава правни совети (на англиски) за специфичните услови на употреба.

Ви благодариме што издвоивте време да ја прочитате оваа страница, и ве молиме уживајте во вашата употреба на Википедија.

[уреди] Примери за услови на употреба на други енциклопедии

Иако другите енциклопедии, за разлика од Википедија, се професионално рецензирани, тие сепак не гарантираат за нивната содржина.

• Услови на употреба на britannica.com (од веб-местото што ја хостира Британика на мрежата):

  "YOUR USE OF BRITANNICA.COM IS AT YOUR SOLE RISK." ("ВАШАТА УПОТРЕБА НА BRITANNICA.COM Е НА ВАШ СОПСТВЕН РИЗИК.")

• Услови на употреба на MSN.com (од веб-местото што ја хостира Мајкрософтовата Енкарта)

  "...AND THE ENTIRE RISK AS TO SATISFACTORY QUALITY, PERFORMANCE, ACCURACY, AND EFFORT IS WITH YOU." ("...И ЦЕЛИОТ РИЗИК ВО ВРСКА СО ЗАДОВОЛИТЕЛНИОТ КВАЛИТЕТ, ПЕРФОРМАНСА, ТОЧНОСТ И НАПОР Е СО ВАС.")

• Услови на употреба на bartleby.com (од веб-местото што ја хостира Колумбија Енциклопедија)

  "YOU EXPRESSLY AGREE THAT USE OF THE SERVICE IS AT YOUR SOLE RISK." ("ВИЕ ИЗРИЧНО СЕ СОГЛАСУВАТЕ ДЕКА КОРИСТЕЊЕТО НА СЕРВИСОТ Е НА ВАШ СОПСТВЕН РИЗИК.")