കാണ്യാര്കളി
വിക്കിപീഡിയ, ഒരു സ്വതന്ത്ര വിജ്ഞാനകോശം.
പാലക്കാട് ജില്ലയിലെ കിഴക്കന് പ്രദേശങ്ങളില് പ്രചാരത്തിലിരിയ്ക്കുന്ന ഒരു അനുഷ്ഠാനകലയാണ് കണ്യാര്കളി. ഈ നാടന്കല താണ്ഡവത്തിന്റേയും ലാസ്യത്തിന്റേയും രസങ്ങള് ഉള്ക്കൊള്ളുന്നു. പരദേവതകളുടെ പ്രീതിയ്ക്ക് വേണ്ടി ഉത്സവങ്ങളോട് അനുബന്ധിച്ച് ക്ഷേത്രങ്ങളിലോ പരിസരങ്ങളിലോ ആണ് നടത്തുന്നത്.
ക്ഷേത്രത്തിനു മുന്നില് കെട്ടിയുണ്ടാക്കുന്ന ഒന്പത് കാല് പന്തലിലാണ് കളി നടക്കുന്നത്. കുരുത്തോല,മാവില,കണിക്കൊന്ന തുടങ്ങിയവ ഉപയോഗിച്ച് പന്തല് അലങ്കരിയ്ക്കുന്നു.പന്തലിന് മുകളില് 102 നിരത്തിട്ട് പരമ്പുകളിട്ട് മൂടുന്നു.
ചെണ്ട,മദ്ദളം,ചേങ്ങില,കുറുങ്കുഴല്,ഇലത്താളം തുടങ്ങിയ വാദ്യോപകരണങ്ങള് ഉപയോഗിയ്ക്കുന്നു.ക്ഷേത്രത്തിലെ വെളിച്ചപ്പാട് ആദ്യവും ശേഷം കളിയാശാനും പന്തലില് പ്രവേശിയ്ക്കുന്നു. ദ്രുതം,അതിദ്രുത,ഇടമട്ട് എന്നിവയാണ് പ്രധാനകലാശങ്ങള്.
ചിലയിടങ്ങളില് മൂന്നും ചിലയിടങ്ങളില് നാലും ദിവസങ്ങളിലായിട്ടാണ് ഇത് നടത്തിവരുന്നത്.
ഒന്നാംകളി ആണ്ടിക്കൂത്ത്. ഇതില് ഗണപതി,സരസ്വതി സ്തുതികളും ശേഷം സുബ്രഹ്മണ്യഭക്തരായ ആണ്ടികള് ഭിക്ഷാടനത്തിനായി വരുന്ന ഭാഗവും അവതരിപ്പിയ്ക്കുന്നു. രണ്ടാംദിവസത്തെ കളി വേദാന്തം,തത്വചിന്ത എന്നിവ ഉള്ക്കൊള്ളിച്ച് തിരുവള്ളുവരുടെ ജ്ഞാനോപദേശങ്ങള് അവതരിപ്പിയ്ക്കുന്നതിനാല് വള്ളോന് എന്ന പേരില് അറിയപ്പെടുന്നു. മൂന്നാംദിവസത്തെ കളി മലമ എന്നും അറിയപ്പെടുന്നു.
പാലക്കാടന് ഗ്രാമങ്ങളില് മീനം,മേടം മാസങ്ങളില് പുതിയ കൃഷിയിറക്കുന്നതിനു മുന്പ്, ജനങ്ങള് വിശ്രമിയ്ക്കുന്ന കാലത്താണ് ഈ കല അവതരിപ്പിയ്ക്കപ്പെടുന്നത്. ഐശ്വര്യം നിറഞ്ഞ ഒരു വര്ഷത്തേയ്ക്കുള്ള തങ്ങളുടെ പ്രാര്ത്ഥനയാണ് ഇതിലൂടെ ഇവര് ഉദ്ദേശിയ്ക്കുന്നത്. ഇതിനു തെളിവായി കളി അവസാനിയ്ക്കുന്ന സമയത്ത് പൂവാരല് എന്ന ഒരു ചടങ്ങും നടത്തിവരുന്നു. ഈ ചടങ്ങില് ദേവിയെ വന്ദിയ്ക്കാനായി ഉപയോഗിയ്ക്കുന്ന അരിയും പൂവും ഭസ്മവും ഒരു വര്ഷക്കാലം ഈ ദേശക്കാര് സൂക്ഷിയ്ക്കുന്നു.
[തിരുത്തുക] അവലംബം
കേരളീയതയുടെ നാട്ടറിവ്
|