Стивен Спилберг

Од Википедија, слободна енциклопедија

Стивен Спилберг
Спилберг во Пентагонот, снимено на 11 август, 1999.
Родено име	Стивен Алан Спилберг
Роден(а)	18 декември 1946 (години 61)
Активен(а)	1968 - денес
Брачни партнери	Ејми Ирвинг (1985-1989) Кејт Карпшоу (1991-present)
Оскари
Ирвинг Г. Талберг меморијална награда 1987 Животно остварување Најдобар режисер 1993 Шиндлеровата листа 1998 Спасувањето на војникот Рајан Најдобар филм 1993 Шиндлеровата листа
Еми награди
Постигнување во анимирана програма 1991 Tiny Toon Adventures 1993 Tiny Toon Adventures 2000 Pinky, Elmyra & the Brain Постигнување во специјална класа на анимирана програма 1997 Freakazoid! 1999 Pinky and the Brain Постигнување за анимирана програма (со прикажување помало од еден час) 1996 A Pinky & the Brain Christmas Special Постигнување за минисерии 2002 Здружени браќа 2003 Taken Награда на основачите 2006
Награди златен глобус
Најдобар режисер - филм 1993 Шиндлеровата листа 1998 Спасувањето на војникот Рајан Сесил Б. Демил награда 2009 Животно остварување
БАФТА награди
Најдобра режија 1993 Шиндлеровата листа Најдобар филм 1993 Шиндлеровата листа Награда Британиа 2001 Одлично постигнување во филм
Цезар награди
Почесен Цезар 1995 Животно постигнување

Стивен Алан Спилберг (роден 18 декември, 1946)^[1] е американски режисер, продуцент и сценарист. Спилберг е трикратен добитник на наградата Оскар и е најпрофитниот филмски работник на сите времиња; неговите филмови заработиле близу 8 билиони долари интернационално.^[2] Од 2006, магазинот Премиер го смета како најмоќната и највлијателната фигура во филмската индустрија. Тајм го вбројува како еден од 100-те најважни луѓе на векот. На крајот од дваесетиот век, магазинот Лајф го именува како највлијателната личност на неговата генерација.^[3]

Во карира што се простира скоро четири децении, Спилберговите филмови допреле многу теми и жанрови. За време на 70-те, 80-те и 90-те, три од неговите филмови, Ајкула, Е.Т. и Паркот Јура станаа најзаработувачки филмови на нивните времиња. За време на неговите реѓисерски почетоци, неговите научно-фантастични и авантуристички филмови често беа гледани како архитипот на модерната холивудска блокбастер кинематографија. Во последни години, неговите филмови почнаа да адресираат до историски теми, како што се Холокаустот, ропството, војната и тероризмот.

Содржина 1 Стил 1.1 Теми 1.2 Современици 2 Личен живот 2.1 Деца и бракови 2.2 Политика 3 Награди 4 Критицизам 5 Филмографија 5.1 Номинации за Оскар 6 Референци 7 Надворешни врски

[уреди] Стил

[уреди] Теми

Филмовите на Спилберг често имаат слични теми. Поголемиот дел од филмовите имаат како тематика стапување во контакт со вонземјани или ликови кои се наоѓаат во несекојдневни ситуации. Ова е посебно очигледно во филмовите Индијана Џонс. Во едно интервју од август 2000, Спилберг ја коментираше својата заинтересираност за вонземјани и како тоа влијаело врз неговите филмови. Во многу прилики, тој ја покажува својата фасцинација со вселената, како на пример во Ајкула има сцени со ѕвезди во позадина. Спилберг се опишал како вонземјанин за време на своето детство, ^[4] а интересот произлегол од неговиот татко, обожавател на научна фантастика и неговото мислење дека вонземјаните не би патувале толку долго за да освојуваат, туку од љубопитство, за да споделат знаење. ^[5]

Силна и постојана тема во своите филмови е скоро детското, наивно чувство на чудење и верба, што се гледа во филмови како Блиски средби од третиот вид, И Ти, Кука и Вештачка интелигенција. Според Ворен Бакленд, ^[6] овие теми се портретирани преку снимањето ниско со камера, што е станато еден од главните режисерски белези на Спилберг. Кога во неговите филмови има деца, овој вид снимање е поочиглеен, но е користен и во други филмови. Друга детско-ориентирана тема во филмовите на Спилберг е губењето на невиноста и созревањето. Во Империја на сонцето, Џим, размазен млад англичанец, ја губи невиноста додека страда во Втората светска војна во Кина. Слично е и во Фати ме ако можеш, каде Френк наивно мисли дека може да го соедини своето семејство ако собере доволно пари да ги издржува.

Најистрајна тема во неговите филмови е тензијата меѓу дете-родител. Родителите (најчесто татковци) се безволни, отсутни или прости. Питер Бенинг во Кука на почетокот на филмот е безволен татко кој живее за да работи, кој за време на филмот ја враќа почитта на своите деца. Очигледното отсуство на таткото на Елиот во И Ти е најпознатиот пример за оваа тема. Во Индијана Џонс: Последната крстоносна војна, се открива дека Инди отсекогаш имал напната врска со својот татко, исто така археолог, кој бил позаинтересиран за својата работа, поспецифично за истражувања околу Светиот грал, отколку за својот син ; и иако тој тогаш не го забележува тоа, оваа негова незаинтересираност негативно влијаела врз неговиот син. Дури и Оскар Шиндлер од Шиндлеровата листа, не сака да има деца со својата жена. Во Минхен, Авнер е опишан како човек кој е оддалечен од својата жена и новородена ќерка. Секако, има и исклучоци; Броуди во Ајкула е посветен семеен човек, додека Џон Андертон во Малцински извештај е потресен човек по исчезнувањето на син му. Може да се каже дека оваа тема е најавтобиографскиот аспект во филмовите на Спилберг, бидејќи Спилберг како дете го доживеал разводот на своите родители и отсуството на својот татко. Исто така треба да се напомене дека главните личности во неговите често доаѓаат од семејства на разведени родители; највпечатливиот пример е И Ти (мајката на Елиот е разведена) и Фати ме ако можеш (мајката и таткото на Франк Абњале се разделуваат на почетокот од филмот). Разделената фамилија на крајот од филмот обично завршува среќно.

Поголемиот дел од неговите филмови се оптимистички. Критичарите често ги критикуваат неговите филмови поради нивната голема сентименталност, но Спилберг вели дека доа е во ред сé додека е добро маскирано. Влијанието доаѓа од режисерите Френк Капра и Џон Форд. ^[7]

[уреди] Современици

Што се однесува на кастингот и продукцијата, еден од белезите на Спилберг е тоа што често работи со луѓе со кои веќе работел во претходни филмови. На пример, Ричард Дрејфус се појавува во неколку негови филмови: Ајкула, Блиски средби од третиот вид и Секогаш. Исто и Харисон Форд, кој е главна улога во четирите филмови со Индијана Џонс, а се појавува и во една кратка исечена сцена од И Ти. Во скоро време, Спилберг има работи со Том Хенкс во неколку прилики: Спасувајќи го војникот Рајан, Фати ме ако можеш и Терминал.

Спилберг двапати има соработувано и со Том Круз, во Малцински извештај и Војна на световите. Спилберг претпочита да работи и со членови од продукцијата со кои веќе има изградено работен однос. Пример за ова е неговата врска со Кетлин Кенеди, која е продуцентка на сите негови филмови од И Ти до Минхен.

Познат пример за ова е и долготрајната соработка со музичарот Џон Вилијамс. Неговата музика ги пропратува скоро сите негови филмови. Спилберг е дел од современи филмаџии како Џорџ Лукас, Френсис Форд Копола, Мартин Скорсезе, Џон Милиус и Брајан де Палма, кои ги викаат „Филмски батки“. Покрај режисерската работа, Спилберг има работено и како продуцент за многу филмови.

[уреди] Личен живот

[уреди] Деца и бракови

Од 1985 до 1989 Спилберг беше во брак со актерката Ејми Ирвинг. Во нивниот разводен договор во 1989, таа доби 100 милиони долари од Спилберг откако судијата го поништува нивниот предбрачен договор напишан на салфета. Нивниот развод беше одбран како третиот најскап развод на славните личности во историјата.^[8] Веднаш по нивниот развод, Спилберг и Ирвинг го делеа старателството на нивниот син, Макс Семјуел.

Спилберг подоцна започна врска со актерката Кејт Кепшо, каде што ја запозна кога и даде улога во Индијана Џонс и храмот на пропаста. Тие се венчаа на 12 октомври, 1991. Кепшо преминува во јудаизам.^[9]

Има 8 деца во семејството Спилберг-Кепшо:

• Џесика Кепшо (1976) — ќерка од минатиот брак на Кејт со Роберт Кепшо
• Макс Семјуел Спилберг (13 јуни, 1985) — син од прошлиот брак на Спилберг со Ејми Ирвинг
• Тео (1988) — Кејт Кепшо го посвојува пред да стапи во брак со Спилберг
• Саша Ребека (14 мај, 1990 во Лос Анџелес)^[10][11]
• Џенет Сандрес (28 ноември, 1990) - богиња на Спилберг ^[12]
• Дејвид Арно (12 август, 1991) - посвоен
• Соер Ејвери (b. 10 март 1992 во Лос Анџелес)^[13]
• Микаела Џорџ (28 февроари, 1996) — посвоена
• Дистри Илајн (1 декември, 1996)

Спилберг има неколку миленичиња вклучувајќи едно куче. Неговото претходно куче, Михајла, има учествувано во некои од неговите филмови од кои: Jaws, Close Encounters, и 1941.^[14]

[уреди] Политика

Спилберг ја поддржува Демократската партија на САД. Има донирано преку 800,000 долари на нејзината сметка. Тој е близок пријател со поранешниот претседател Бил Клинтон и работел со него за прославувањето на милениумот во САД. Режираше 18-минутен филм за овој проект, Американски пат, кој бил прикажан во американската милениумска гала на 31 декември 1999.^[15]

[уреди] Награди

Спилберг е добитник на три Оскари. Бил номиниран за шест Оскари во категоријата Најдобра режија, а освоил два од нив (Шиндлерова листа и Спасувајќи го војникот Рајан), а седум од неговите филмови биле номинирани за најдобар филм (Шиндлеровата листа добила). Во 1987, беше награден со The Irving G. Thalberg Memorial награда за неговата работа како креативен продуцент.

Поради неговото искуство со извидништво, Спилберг помогна на клубот Извидници на америка да добие заслужена ознака во кинематографијата. Оваа ознака била лансирана на Националниот ден за извидници во 1989, на која Спилберг присуствувал и лично советувал многу момчиња за нивната работа.

Во 1999, Спилберг освои почесен степен на универзитетот Браун. Нему, исто така, му бил врачен и медал од Дефензивниот департман на Пентагон, од Вилијам Коен, на 11 август 1999, како признание за филмот Спасувајќи го војникот Рајан.

Во 2001, беше прогласен за почесен витешки командант на Орденот на британската империја, од страна на Кралицата Елизабета II.^[16][17][18]

Во 2004, беше прогласен за витез на Почесната легија од претседателот Жак Ширак.^[19] На 15 јули 2006, му беше врачена наградата за животно дело Голд Хуго, на Интернационалниот филмски фестивал во Чикаго.^[20]

[уреди] Критицизам

[уреди] Филмографија

Главна статија: Листа на филмови на Стивен Спилберг.

[уреди] Номинации за Оскар

• За најдобар режисер

• 1977 - Блиска средба од третиот вид
• 1981 - Јавачи на изгубената арка
• 1982 - E.T.
• 1993 - Шиндлеровата листа (победник)
• 1998 - Спасувањето на војникот Рајан (победник)
• 2005 - Минхен

• За најдобар филм

• 1975 - Ајкула
• 1981 - Јавачи на изгубената арка
• 1982 - E.T.
• 1985 - Бојата пурпурна
• 1993 - Шиндлеровата листа (победник)
• 1998 - Спасувањето на војникот Рајан
• 2005 - Минхен
• 2006 - Писма од Иво Џима (како продуцент)

[уреди] Референци

[уреди] Надворешни врски

• Стивен Спилберг на Интернет Филмската база на податоци (англиски)

• Стивен Спилберг на TCM Movie Database
• Стивен Спилберг библиографија
• Официјална страна на Дримворкс
• Организација SoSVH, формирана од Спилберг
• Тајм 100: Стивен Спилберг
• Стивен Спилберг
• Спилберг на 60 - Емпајр магазин

п • р • у Филмови режирани од Стивен Спилберг 1970-те Шугарленд експрес (1974)  · Ајкула (1975)  · Блиска средба од третиот вид (1977)  · 1941 (1979) 1980-те Индијана Џонс: Крадците на изгубениот ковчег (1981)  · Е.Т. (1982)  · Индијана Џонс: Храмот на пропаста (1984)  · Пурпурната боја (1985)  · Империја на сонцето (1987)  · Индијана Џонс: Последната крстоносна војна (1989)  · Секогаш (1989) 1990-те Кука (1991)  · Паркот Јура (1993)  · Шиндлеровата листа (1993)  · Последниот свет: Паркот Јура (1997)  · Амистад (1997)  · Спасувајќи го војникот Рајан (1998) 2000-те Вештачка интелигенција (2001)  · Малциншки извештај (2002)  · Фати ме ако можеш (2002)  · Терминал (2004)  · Војна на световите (2005)  · Минхен (2005)  · Индијана Џонс: Кралството на кристалниот череп (2008) Следни проекти Тинтин  · Судењето на седмицата од Чикаго  · Меѓуѕвезден  · Линкон

Биографијата Стивен Спилберг е избрана биографија на порталот за филм за јуни 2008. Ве повикуваме и Вас да напишете и предложите избрана биографија.