Euro
Da Wikipedia
L' euro (EUR òu €; in greco Ευρώ) o l'è a monnæa ûnica da Comûnitæ Ouropea e de âtri stati e tæritoi ouropéi, comme Andòrra, o Vatican, Monego, Monteneigro, San Marin e a region de Kosovo, e informalmente de Bòsnia-Erçegòvina e Bûlgäja.
A l'è a monnæa ûffiçiâ di seguenti stati membri: Germania, Austria, Belgio, Çipro, Slovenia, Spagna, Finlandia, Fransa, Greçia, Eire, Italia, Malta, Luxemburgo, Paixi Basci e Portogallo. O se dêuvia asci in diversci Tæritoi d'oltremâ françéixi comme Guayana Françéise, San Pè e Miquelon, Guadeloupe, Martinica, Majotte e Réunion e inte e baxi brittanighe de Akrotiri e Dhekelia.
L'insëmme de 'sti paixi, dïto Eurozona, o conta ciû de 318 millioin d'abitanti; e consciderando anche quelle terse naçioin che dêuvian monæe collegæ con l'euro, a monnæa ûnica a l'interessa direttamente ciû de 480 millioin de personn-e in tûtto o mondo.
L'euro o vegne amministròu da-a Banca Çentrâ Ouropea, con sede a Francoforte inscio Men, e da-o Scistemma de-e banche çentrâli ouropee.
O l'è soddivizo in 100 çentéximi.
Doze di 27 stati membri da Comûnitæ Ouropea no piggian l'euro comme monnæa ûffiçiâ. Tra liâtri, Danemarca e o Regno Unïo g'han 'na clausola c'a permette tegnî indefinîamente e pròprie monnæe naçionâli.